26 September 2020

News Flash

समुद्र किनाऱ्यावर मृतावस्थेत सापडला दुर्मिळ सनफिश

या माशाला 'मोला मोला' म्हणूनही ओळखलं जातं, 2017 मध्ये या माशाचा शोध लागला.

गेल्या आठवड्यात ऑस्ट्रेलियातील कुराँग नॅशनल पार्क परिसरात 'सनफिश' वाहून आला होता.

दुर्मिळ आणि तितकाच विचित्र दिसणारा ‘सनफिश’ मासा ऑस्ट्रेलियाच्या किनाऱ्यावर मृतावस्थेत वाहून आला आहे. ‘सनफिश’ हा मासा क्वचीतच नजरेस पडतो, इतर माश्यांच्या तुलनेत आगळा वेगळा दिसणारा हा मासा पाहून मश्चिमारदेखील गोंधळात पडले होते.

गेल्या आठवड्यात ऑस्ट्रेलियातील कुराँग नॅशनल पार्क परिसरात ‘सनफिश’ वाहून आला होता. लाकडाचा ओंडका असल्याचं वाटून सुरूवातीला मश्चिमारांनी मृतदेहाकडे दुर्लक्ष केलं मात्र हा मृतदेह काहीसा माशासारखा भासत असल्यानं मश्चिमारांमध्ये गोंधळ उडला. ‘यापूर्वी आम्ही कधीही अशा प्रकारचा समुद्री जीव पाहिला नव्हता किनाऱ्यावर व्हेल किंवा सील मृतावस्थेत वाहून येण्याचे प्रकार अनेकदा घडतात मात्र हा मासा कधीही पाहिला नव्हता.’ अशी माहिती एका स्थानिक मश्चिमारानं दिली.

‘हा मासा वजनानं खूपच जड आणि त्याची त्वचा गेंड्याच्या त्वचेसारखी जाड होती’ अशी माहिती दुसऱ्या मश्चिमारानं दिली. सनफिशला ‘मोला मोला’ म्हणूनही ओळखलं जातं, 2017 मध्ये या माशाचा शोध लागला.

 

जेलीफिश हे प्रमुख खाद्य ‘सनफिश’चं आहे. हे मासे साधारण ६ फूट लांबीचे असतात आणि त्यांचं वजन एका चारचाकी वाहनाएवढं असतं. या माशांना सूर्यप्रकाशात येणं आवडतं म्हणून त्यांना ‘सनफिश’ म्हटलं जातं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 22, 2019 12:06 pm

Web Title: a rare giant sunfish washes up on a beach in australia
Next Stories
1 ‘कोणाच्याही लग्नात जाऊन जेवू नका’, शिक्षणसंस्थेची हॉस्टेलमधील विद्यार्थ्यांना नोटीस
2 एका विद्यार्थासाठी सरकारने कोट्यवधी खर्चून उभारली शाळा
3 …म्हणून होळीच्या दिवशी या गावांमध्ये पाळला जातो दुखवटा
Just Now!
X