News Flash

झारखंड आणि ओडिशानंतर ‘या’ राज्यातही Swiggy ने सुरू केली दारुची ‘होम डिलिव्हरी’

ग्राहकाला एका ठरावीक मर्यादेपर्यंतच मद्याची ऑर्डर करता येईल...

ऑनलाइन फूड डिलिव्हरी कंपनी Swiggy ने झारखंड आणि ओडिशानंतर आता पश्चिम बंगालमध्येही घरपोच मद्यविक्रीला सुरूवात केली आहे. पश्चिम बंगालच्या कोलकाता आणि सिलीगुडीमध्ये ही सेवा सुरू होत असून लवकरच राज्यातील अन्य शहरांमध्येही  घरपोच मद्यविक्री सेवा सुरू करण्याची कंपनीची योजना आहे.

करोना व्हायरसच्या संकटामुळे दुकानांवरील गर्दी कमी करण्याच्या उद्देशाने घरपोच मद्यविक्रीला सुरूवात केली असल्याचं कंपनीच्या प्रवक्त्यांनी सांगितलं. “झारखंड आणि ओडिशामध्ये यशस्वीपणे घरपोच मद्यविक्रीला सुरूवात केल्यानंतर आता आम्ही पश्चिम बंगालमध्येही ही सेवा सुरू करत आहोत. पहिल्यांदा कोलकाता आणि सिलीगुडी या दोन शहरांमध्ये ही सेवा सुरू केली जाईल. नंतर टप्प्याटप्प्याने राज्यातील अन्य २४ शहरांमध्येही सेवा सुरू करु”, असे कंपनीकडून सांगण्यात आले.

राज्य सरकारच्या मार्गदर्शक तत्वांनुसार परवाना आणि अन्य कागदपत्रांची प्रक्रिया पूर्ण करण्यात आली असून या सेवेसाठी राज्यातील काही रिटेल विक्रेत्यांसोबत भागीदारी केल्याची माहिती कंपनीकडून देण्यात आली. या सेवेसाठी ग्राहकाला वय, वैध सरकारी ओळखपत्राची प्रत आणि स्वतःचा एक फोटो अपलोड करावा लागेल. तसेच ग्राहकाला एका ठरावीक मर्यादेपर्यंतच मद्याची ऑर्डर करता येईल. ‘स्विगी’ने आपल्या अ‍ॅपमध्ये वाईन शॉप्स ही कॅटेगरी सुरू केली असून त्याद्वारे ऑर्डर करणाऱ्यांना घरपोच मद्य पोहोचवलं जाणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 4, 2020 4:22 pm

Web Title: after jharkhand and odisha swiggy expands alcohol delivery to west bengal sas 89
टॅग : Coronavirus
Next Stories
1 ट्रेन तिकीट न मिळाल्याने मजुराने थेट कार विकत घेत गाठलं घर
2 फटाकेयुक्त अननस खायला दिल्याने हत्तीणीचा मृत्यू, दोषींची माहिती देणाऱ्यांना ५० हजारांचं बक्षिस
3 केरळमधील हत्तीणीचा मृत्यू, रतन टाटा म्हणाले….
Just Now!
X