25 November 2020

News Flash

स्टेडियममध्ये वर्षभराची बंदी, सामना पाहण्यासाठी त्यानं चक्क भाड्यानं क्रेन घेतली!

आपल्या आवडत्या संघाची फुटबॉल मॅच पाहण्यासाठी चाहत्यानं चक्क भाड्यानं क्रेन घेतली. फॅनने लढवलेल्या या अनोख्या डोकॅलिटीची चर्चा सोशल मीडियावर सुरू आहे.

एक सामना पाहण्यासाठी चाहता काय करू शकतो याचं ताजं उदाहरण हा फोटो आहे म्हणूनच हा फोटो सोशल मीडियावर व्हायरल होत आहे. (छाया सौजन्य : BirGun)

आपल्या आवडत्या संघाचा सामना पाहण्यासाठी चाहते काहीही करतील. तासन् तास रस्त्यावर असलेल्या टीव्ही शोरुमच्या बाहेर उभे राहतील, कामावर थाप मारून सामना पाहतील, बायकोशी वाद घालून सामना संपेपर्यंत रिमोट स्वत:कडे ठेवतील अशा एक ना दोन ना ना शक्कल लढवतील पण सामना काही चुकवणार नाहीत. पण एखाद्या संघाचा निस्सीम चाहता काय करु शकतो हे पाहायचं असेल तर हा व्हायरल झालेला फोटो पाहा. या व्यक्तीनं आपल्या आवडत्या संघाची फुटबॉल मॅच पाहण्यासाठी चक्क भाड्यानं क्रेन घेतली. आता आपल्या टीमवर त्याचं असलेलं पराकोटीचं प्रेम पाहता चर्चा तर होणारच!

VIDEO …जेव्हा साधूचा वेश धारण करुन ब्रेट ली मुंबईतील मुलांबरोबर क्रिकेट खेळतो!

तुर्कीच्या फुटबॉट स्टेडियमधला हा फोटो आहे. हा व्यक्ती Denizlispor संघाचा चाहता आहे. या संघाची मॅच त्याला पाहायची होती. पण स्टेडियमवर येण्यासाठी त्याला वर्षभराची बंदी घातली होती. आता सामना पाहायला मिळणार नाही यामुळे निराश झालेल्या या ‘जबरा फॅन’नं आगळीच शक्कल लढवली. त्यानं चक्क क्रेनच भाड्यानं घेतली आणि ती मैदानाबाहेर लावली. या क्रेनवर चढून मोठ्या ऐटीत तो सामना पाहता होता. आपल्या संघाला पाठिंबा देत होता. एक सामना पाहण्यासाठी चाहता काय करू शकतो याचं ताजं उदाहरण हा फोटो आहे म्हणूनच हा फोटो सोशल मीडियावर व्हायरल होत आहे. पण या चाहत्याला स्टेडियमध्ये बंदी नेमकी का घातली हे मात्र कळू शकलं नाही.

वाचा : अखेर आनंद महिंद्रांना ‘मार्केटिंग गुरू’चा पत्ताही सापडला!

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 30, 2018 12:30 pm

Web Title: after received one year ban a football fan hires crane to watch match
Next Stories
1 VIDEO …जेव्हा साधूचा वेश धारण करुन ब्रेट ली मुंबईतील मुलांबरोबर क्रिकेट खेळतो!
2 पत्रकार म्हणाला, गौतम गंभीर ‘दहशतवादी’; चाहत्यांनी ट्विटर सोडण्याचा दिला सल्ला
3 Viral Video : मुलीला बळजबरीनं स्कूटरला बांधून वडिलांनी सोडलं शाळेत
Just Now!
X