पावसाचे पाणी वाढले की, मगर दिसल्याचे व्हिडीओ सोशल मीडियावर फिरायला लागतात. काही मगरी पुराच्या पाण्यात वाहून नागरी वस्त्यांत शिरतात तर काही जलसाठ्यात येऊन पोहोचतात. पण, तारेचं कुंपण पार करून जाणारी मगर बघून लोक अवाक् होत आहे. होय, तोच व्हिडीओ सध्या सोशल मीडियावर फिरत आहे. तारेचे कुंपण चढून जाणाऱ्या मगरीचा व्हिडीओ आहे फ्लोरिडातील. जॅकसनव्हीले हवाई दलाच्या तळाजवळ ही मगर आढळून आली. क्रिस्टिना स्टीवर्ट यांनी कुंपण चढून जात असताना मगरीचे काही फोटो आणि व्हिडीओ त्यांच्या फेसबुकवरून शेअर केला आहे. हवाई तळाजवळ मगर असल्याचे कुणीतरी बोलले. तिथे जाऊन ती मगर बघितल्यावर मला खुप आनंद झाला. सरपट जाऊन ती मगर कुंपण चढून पलिकडे अदृश्य झाली, असे क्रिस्टिना स्टीवर्ट यांनी पोस्टमध्ये म्हटले आहे. त्यावर लोकांनी प्रचंड कौतूक केले आहे. ३,७०० लोकांनी त्यांची पोस्ट शेअर केली आहे. या पोस्टवर लोकांच्या भन्नाट प्रतिक्रियाही येत आहेत. मी प्राणीप्राणी आहे. पण मगर कुंपण चढून जाताना पहिल्यांदाच बघितले आहे, असे एका युजर्सने म्हटले आहे.
