सोशल नेटवर्कींगवर सर्वाधिक चर्चेत असणाऱ्या भारतीयांपैकी एक नाव म्हणजे महिंद्रा अ‍ॅण्ड महिंद्राचे सर्वेसर्वा आनंद महिंद्रा. फोटोंना कॅप्शन देण्याचे आवाहन करण्यापासून ते क्रिकेटच्या समान्यांबद्दल आणि व्हॉट्सअपवरील मेसेजपासून ते मदतची घोषणा करण्यापर्यंत अनेक गोष्टी आनंद महिंद्रा ट्विटरवरुन करतात. अनेकदा त्यांनी मांडलेल्या मतांवरुन सोशल नेटवर्किंगवर चर्चा रंगताना दिसते. असेच एक ट्विट नुकतेच त्यांनी केलं आहे. यामध्ये त्यांनी त्यांच्या घराजवळच्या परिसरात येणाऱ्या बासरी विक्रेत्याची कथा सांगितली आहे. आपल्या पहिल्या ट्विटमध्ये त्यांनी सध्याच्या करोनाच्या काळात बासरीवाल्याकडून खरंच लोकं बासरी विकत घेतील का असा प्रश्न मला पडतो असं म्हटलं आहे. "दर रविवारी एक बासरी विक्रेता माझ्या घराजवळून जातो. तो एका बसरीवर चित्रपटातील गाणी वाजवत ग्राहकांना आकर्षित करण्याचा प्रयत्न करत असतो. त्याची बसरी ऐकून मला एकदम उत्साहवर्धक वाटते. मात्र सध्या मला एक प्रश्न पडतो की या कालावधीमध्ये कोणी त्याच्याकडून बासरी घेईल का?, इन्फेक्शनच्या भीतीने कोणी बारसी घेईल का असा विचार माझ हृदय पिळवटून टाकतो," असं आनंद महिंद्रा यांनी पहिल्या ट्विटमध्ये म्हटलं आहे. Every Sunday, a solitary bamboo flute seller walks by my home trying to attract buyers by playing film music on one of his flutes. Usually, I find that music cheerful. These days, it tears my heart out because I wonder whether anyone would want to buy one & risk infection (1/4) — anand mahindra (@anandmahindra) October 14, 2020 या बासरीवाल्याला मदत करण्यासाठी आनंद महिंद्रा यांनी काय केलं हे पुढच्या ट्विटमध्ये नमूद करण्यात आलं आहे. "त्या बसरी विक्रेत्याला मदत व्हावी म्हणून मी दर रविवारी एक बासरी विकत घ्यायचो आणि ती नष्ट करायचो. माझ्या स्वत:च्या मनाला शांती मिळावी म्हणून मी हे करायचो. मात्र करोनामुळे त्या बसरीवाल्याचं सर्व आर्थिक गणित कोलमडलं असून ते लवकर सावरण्याची शक्यता नाही हे दिसून येतं. आपल्या देशात वेगवेगळ्या समाजामध्ये या बासरीवाल्यासारखे लाखो लोकं असतील," असं महिंद्रा म्हणतात. So every Sunday I buy one of those flutes & discard it immediately. Just a way of soothing my own conscience.But it’s clear that Covid has made his economic model collapse with no sight of early recovery. There must be millions more like him in every community in this land (2/4) — anand mahindra (@anandmahindra) October 14, 2020 "या बासरीवाल्याप्रमाणे अनेक जण जगण्यासाठी धडपडत असतील. हे लोक उपजिविकेसाठी संवाद आणि सामाजिक सहकार्य असणाऱ्या सामाजावर अवलंबून असतात. आपण मोठ्या उद्योगांबद्दल बोलताना सावरण्यासाठी मोठ्या मागणीची गरज आहे असं म्हणतो. मात्र हा बसरीवादक या वाढत्या मागणीचा विचार करु शकतो का? तो यातून सावरु शकतो का? त्यांची आर्थिक गणितं आणि त्यांच्या संघर्षाला पाठिंबा देताना आपली कर्तव्य नक्की काय आहेत?," असा प्रश्न महिंद्रा यांनी पुढील ट्विटमध्ये उपस्थित केला आहे. So many more like him who eked out a living, dependent upon a community that was social & interactive. We in large businesses are already speaking of a strong recovery in demand. But will the flute-sellers rise with us? What is our duty to their Eco-system & their survival? (3/4) — anand mahindra (@anandmahindra) October 14, 2020 या सिरीजमधील शेवटच्या ट्विटमध्ये महिंद्रा यांनी अशा लोकांसाठी काय करता येईल याबद्दल विचारणा केली आहे. "मग चांगला उद्योग म्हणजे काय? चांगले उत्पादन म्हणजे काय?, चांगली सेवा म्हणजे का? चांगले व्यवस्थापन. की इतर काही?, उद्योग व्यवसायांची समाजातील नक्की भूमिका काय, त्यांची सामाजाप्रती असणारी कर्तव्ये काय आहेत हा चर्चेसाठी दशकातील सर्वात महत्वाचा विषय आहे. याबद्दल आपल्याला चर्चा करण्याची, संवाद साधण्याची गरज आहे. तर तुमच्या मते, चांगला उद्योग म्हणजे नक्की काय?," असा प्रश्न महिंद्रा यांनी उपस्थित केला आहे. So what is ‘Good Business’? A good product? Good service? Good governance…or something else? The role of business in society & its duty to communities is the most important discussion of the decade. We need to start a conversation. What does ‘Good Business’ mean to you? (4/4) — anand mahindra (@anandmahindra) October 14, 2020 आनंद महिंद्रांच्या या ट्विटवर अनेकांनी रिप्लाय दिले असून त्यांनी उपस्थित केलेला मुद्दा अगदी योग्य असल्याचे अनेकांचे म्हणणे आहे. त्याचवेळी अनेकांनी महिंद्रांसारखा मोठा माणूस एवढ्या लहान स्तरावरील व्यक्तीचा विचार करत असल्याबद्दल त्यांचे कौतुक केलं आहे.
