करोना विषाणूच्या प्रादुर्भावामुळे सध्या सर्वत्र गंभीर वातावरण आहे. भारतामध्ये बीसीसीआयने आयपीएलसह आपल्या सर्व स्पर्धा रद्द केल्या आहेत. भारतीय खेळाडू या काळात घरात राहून आपल्या परिवारासोबत वेळ घालवत आहेत. भारतीय संघाचा कर्णधार विराट कोहलीनेही आपल्या चाहत्यांना लॉकडाउन काळात घराबाहेर न पडता सर्व सरकारी यंत्रणांना मदत करण्याचं आवाहन केलं आहे. या दिवसांमध्ये विराट आणि अनुष्का सोशल मीडियावर नवनवीन फोटो आणि व्हिडीओ अपलोड करत असतात. क्वारंटाइन झालेल्या अनुष्का शर्माने इन्स्टाग्रामवर कोहलीची फिरकी घेणारा एक गमतीशीर व्हिडीओ पोस्ट केला. ज्यात अनुष्का विराटला, कोहली.चौका मार ना चौका असं बोलताना दाखवली आहे. View this post on Instagram I thought he must be missing being on the field. Along with the love he gets from millions of fans, he must be especially missing this one particular type of fan too. So I gave him the experience A post shared by AnushkaSharma1588 (@anushkasharma) on Apr 17, 2020 at 12:54am PDT या व्हिडीओवर टीम इंडीयाचा फिरकीपटू युजवेंद्र चहलने आपल्या अतरंगी स्टाईलमध्ये खास कमेंट केली आहे. "वहिनी पुढच्यावेळी चहलला ओपनिंगला पाठव असं म्हणा ना पुढच्यावेळी, कदाचीत तुमचं ऐकेल तो." चहलच्या या कमेंटला नेटकऱ्यांनीही चांगलाच प्रतिसाद दिला आहे. देशातली करोनाची परिस्थिती पाहता बीसीसीआयने पुढील सूचना मिळेपर्यंत आयपीएलचा तेरावा हंगाम स्थगित केला आहे. अजुनही विविध शहरांमध्ये करोना बाधित रुग्ण सापडतच आहेत.अशा परिस्थितीत सरकार यावर नियंत्रण मिळवण्यात कधी यशस्वी ठरतंय हे पाहणं महत्वाचं ठरणार आहे.