16 October 2019

News Flash

भाषा समजत नव्हती, गुगल ट्रान्सलेटच्या मदतीने व्यक्त केले प्रेम

प्रेमाला कसलीच सीमा नसते.. ना भाषेची,ना राज्याची ..ना कुठल्याच धर्माची

‘प्रेम आंधळ असतं; प्रेमाला कसलीच सीमा नसते.. ना भाषेची,ना राज्याची ..ना कुठल्याच धर्माची..’ हे तुम्ही अनेकदा चित्रपटात पाहिले असेल… अशीच एक प्रेमकथा सध्या सोशल मीडियावर चर्चेत आहे…ब्रिटनचा मुलगा आणि इटलीची मुलगी, दोघांनाही एकमेकांची भाषा समजत नव्हती. अशात त्यांनी त्यांचं प्रेम फुलवण्यासाठी गुगल ट्रान्सलेटची मदत घेतली. Chloe Smith आणि Daniele Marosco अशी त्यांची नावे.

२०१७ मध्ये पहिल्यांदा त्यांची ओळख झाली होती. दोघांनाही एकमेकांची भाषा समजत नव्हती, पण एकमेकांकडे आकर्षित होते. हळूहळू त्यांना एकमेकांना जाणून घ्यायचं घेतं. त्यामुळे त्यांनी एकमेकांची भाषा समजून घेण्यासाठी गुगल ट्रान्सलेटची मदत घेतली. दोघेही एकत्रित चित्रपट पाहू लागले, फिरायला गेले शिवाय एकमेंकाच्या कुटुंबासमवेत वेळ घालवला. दोघांच्या परिवारातील लोकही या दोघांच्या नात्याबाबत आश्चर्यचकित झाले आहेत. दोघेही एकमेंकाची भाषा समजून घेण्याचा प्रयत्न करत आहेत.

इटलीच्या Danieleला ब्रिटनची Chloe इंग्रजी शिकवते. तर तो तिला इटालियन भाषा शिकवतोय. सध्या दोघेही लंडनमध्ये राहत आहेत. नोकरी करत आहेत. Chloe मेकअप आर्टीस्ट आहे तर Daniele हा एका हॉटेलमध्ये काम करतो. पण दोघांनी एकमेकांना वेळ देणं महत्त्वाचं समजलं, भाषा अडसर ठरली नाही. आता त्यांनी कोणत्याही भाषेचा क्लास न लावता त्यांचं नातं मजबूत केलं आहे. तेही केवळ गुगल ट्रान्सलेटच्या मदतीने.

First Published on January 12, 2019 10:04 am

Web Title: british women and italian men fell love they used google translate understand their language