करोना विषाणूनं देशात थैमान घातलं असून दिवसेंदिवस वाढणाऱ्या रुग्णसंख्येमुळे लोकांमध्ये चिंतेचं वातावरण आहे. दुसरीकडे संशोधक करोनावर लस शोधण्यासाठी दिवसरात्र प्रयत्न करत आहेत. पण काही ठिकाणी या विषाणूवर स्वत:चं औषधं वापरलं जातेय. मुलांना देशी दारु पाजल्याचा ओदिशामधील एक व्हिडीओस सध्या सोशल मीडियावर तुफान व्हायरल होत आहे. करोनाचा संसर्ग होऊ नये म्हणून या मुलांना दारु पाजण्यात आल्याची धक्कादायक माहिती समोर आली आहे.
एनडीटिव्हीच्या वृत्तानुसार, पारसनपाली येथील आदिवासी भागातील लोकं नशेसाठी या दारूचा वापर करतात. गावकऱ्यांच्या म्हणण्यानुसार या दारुत काही औषधी गुणही आहेत. ओदिशा न्यूजने मुलांना पाजण्यात आलेल्या दारुचा व्हिडीओ ट्विटरवर पोस्ट केला आहे. या व्हिडीओमध्ये मुलांना एका पंगतीत खाली बसून ग्लासात दारू दिली जात असल्याचे दिसत आहे.
ओदिशामधील पारसनपाली या गावात एका लग्न कार्यक्रमात दहा ते १२ वर्षांच्या मुलांना देशी दारु पाजण्यात आली आहे. ही दारु सालापाच्या झाडापासून तयार करतात. येथील आदीवासी लोक दररोज या दारुचं प्राशन करतात मात्र, करोना होऊ नये म्हणून दहा-बारा वयाच्या मुलांनाही ही दारु पाजली. या सर्व घटनेचा व्हिडीओ समोर आला आहे.
Despite relentless efforts to spread awareness about #COVID19, superstitions about the virus still rule interior pockets in #Odisha. An incident from Malkangiri where children were seen consuming country-made ‘salap liquor’ to prevent SARS-nCoV infection is a testimony to it. pic.twitter.com/qAsRVRvLkm
— OTV (@otvnews) July 21, 2020
हा व्हिडीओ व्हायरल झाल्यानंतर स्थानिक प्रशासन लोकांना कोरोनाबाबत माहिती देत नसल्याचे समोर आले आहे.
लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
First Published on July 23, 2020 12:59 pm
