अर्जेंटिनाचे माजी प्रसिद्ध फुटबॉलपटू दिएगो मॅरेडोना यांचं वयाच्या ६० व्या वर्षी निधन झालं. हृदयविकाराचा झटका आल्याने त्यांची प्राणज्योत मालवली. जबरदस्त खेळाच्या जोरावर फुटबॉल क्षेत्रात दबदबा निर्माण करणाऱ्या मॅरेडोना यांच्या निधनामुळे समस्त क्रीडा विश्वात हळहळ व्यक्त केली जात आहे. या दुःखद वृत्तानंतर जगभरातील त्यांचे चाहतेही श्रद्धांजली देत आहेत. पण ट्विटरवर श्रद्धांजली देताना काही जणांनी मॅरेडॉना आणि मॅडोना या नावामध्ये गफलत केली. मॅरेडोना यांच्या निधनाचं वृत्त आल्यानंतर सोशल मीडियावर काही जणांचा मॅडोना आणि मॅरेडोना या नावांमध्ये गोंधळ उडाला आणि त्यांनी मॅरेडोनाएवजी पॉप सिंगर मॅडोनालाच श्रद्धांजली देण्यास सुरूवात केली. ६२ वर्षीय पॉप सिंगरला श्रद्धांजली देणारे अनेट ट्विट पोस्ट झाले. पण थोड्याचवेळात मृत्यू झालेली व्यक्ती मॅडोना नसून मॅरेडोना असल्याचं लक्षात आल्यानंतर मॅडोनाच्या सर्व चाहत्यांनी सुटकेना निश्वास सोडला. एक नजर मारुया मॅडोनाला श्रद्धांजली देणाऱ्या ट्विट्सवर : RIP Madonna, you'll be forever in our hearts. Legend. pic.twitter.com/EnMrIUZhRs — icah (@poemtoahoe) November 25, 2020 You cant beat the Americans MFs mixed Maradona with Madonna pic.twitter.com/yK9V7sbnge — Koma (@AFC_Koma) November 25, 2020 MADONNA DID NOT DIE, the former Argentine footballer Diego Armando #Maradona died, he suffered a cardiorespiratory arrest from which he could not be resuscitated despite the medical attention received, reported his agent Matías Morla. #KPM pic.twitter.com/auAhwLVlpl — Katy Perry Media (@katyperrymedia_) November 25, 2020 RIP Madonna pic.twitter.com/mJrZxLWmfM — Lorcan (@Lorcan1888) November 25, 2020 madonna logging into twitter to find out she has died pic.twitter.com/MDllPh4oHm — john (@johnmceneaney) November 25, 2020 Madonna opening twitter this morning pic.twitter.com/0ADgCUfCFx — hava nagila (#GangBang Remix) (@shantytyrelle) November 25, 2020 BREAKING: At the age of 62 , American singer and "Queen of pop" Madonna has been found alive in her house enjoying life pic.twitter.com/GB64bJ2zmj — (@BillionMcfc) November 25, 2020 दरम्यान, काही दिवसांपूर्वीच मॅरेडोना यांच्यावर शस्त्रक्रीया करण्यात आली होती. एका अपघातानंतर मॅरेडोना यांच्या मेंदूत रक्तस्त्राव झाला होता. ज्यानंतर त्यांच्यावर यशस्वी शस्त्रक्रीयाही झाली. यामधून सावरल्यानंतर मॅरेडोना यांना त्यांच्या मुलीच्या घरात हलवण्यात आलं होतं. ३० ऑक्टोबर रोजी मॅरेडोना यांनी आपला ६० वा वाढदिवस साजरा केला. यानंतर अवघ्या काही दिवसांनी मॅरेडोना यांनी अखेरचा श्वास घेतला. अत्यंत प्रतिभावान खेळाडू म्हणून ओळख मिळवलेल्या मॅरेडोना यांचं करिअर चुकीच्या कारणांमुळेही चर्चेत आलं होतं. ड्रग्ज सेवन, दारु यामुळे मॅरेडोन काही काळ फुटबॉलपासून दूर होते. मात्र या सर्वांवर मात करत त्यांनी २००८ साली अर्जेंटिनाचे मुख्य प्रशिक्षक म्हणून दमदार पुनरागमन केलं. प्रशिक्षणाचा फारसा अनुभव नसतानाही मॅरेडोना यांनी अर्जेंटिनाच्या संघाला प्रशिक्षण देताना आपला ठसा उमटवला होता. अर्जेंटिनामधील आबालवृद्धांमध्ये मॅरेडोना यांची क्रेझ होती. १९८६ च्या विश्वचषक स्पर्धेत उपांत्यपूर्व फेरीत इंग्लंडविरुद्ध सामन्यात झळकावलेल्या दोन गोलमुळे मॅरेडोना चर्चेत आले होते. अखेरीस फुटबॉलच्या मैदानात घोंघावणारं वादळ शांत झालं आहे.