जगभरामध्ये करोनाची साथ पसरली आहे. अनेक देशांनी करोनाचा प्रादुर्भाव रोखण्यासाठी दोन ते तीन आठवड्यांच्या लॉकडाउनची घोषणा केली आहे. सोशल डिस्टन्सिंगच्या माध्यमातून लोकांचा एकमेकांशी येणारा संपर्क कमी करुन करोनाचा संसर्ग रोखण्यासाठी वेगवेगळ्या देशांमधील सरकारे प्रयत्न करत आहेत. मात्र युरोपमधील बेलारूसमध्ये १५२ जणांना संसर्ग झाल्याचे उघड झाल्यानंतरही देशातील नागरिकांवर कोणत्याही प्रकारची बंधने घालण्यात आलेली नाहीत. उलट बेलारूशीयन प्रिमियर लीगसाठी (फुटबॉल स्पर्धा) प्रेक्षकांनी भरलेली स्टेडियम, हॉटेल, मॉल, सिनेमागहांमध्ये गर्दी असे दृष्य बेलारूसमध्ये दिसत आहे. खालील फोटोत पाहा स्टेडियममधील गर्दी. Lukashenka said that COVID doesn't take Belarus people, because God helps us, that sauna and ice-hockey prevent the infection. It’s only one country where football games are being played; kids go to the circus, and TV anchors mock people who wear masks. pic.twitter.com/Ee1RZz76Pz — Franak Viačorka (@franakviacorka) March 28, 2020 एकीकडे निर्बंध घालण्याचा बेलारूस सरकारचा कोणताच प्रयत्न सुरु असल्याचे चिन्ह दिसत नसतानाच आता तेथील राष्ट्राध्यक्षांनी व्होडकाचे सेवन केल्यास करोना विषाणू मरतो असं अजब वक्तव्य केलं आहे. न्यूयॉर्क पोस्टने दिलेल्या वृत्तानुसार बेलारूसचे अध्यक्ष अॅलेक्झॅण्डर लुकाशिंकोज यांनी करोनावर व्होडकाचा उपाय सुचवला आहे. “लोकांनी व्होडकाने हात धुतले पाहिजेत. इतकच नाही तर त्यांनी व्होडाने करोना विषाणू मारले पाहिजेत. दिवसाला ४०-५० एमएल व्होडका सेवन प्रत्येकाने केलं पाहिजे. फक्त कामाच्या ठिकाणी व्होडका पिऊ नये,” असं लुकाशिंकोज यांनी म्हटलं आहे. Lukashenko (President of Belarus) knows how to defeat the virus. pic.twitter.com/VRAI6WGlic — Coronavirus (@SARS_COVID19) March 30, 2020 “करोनाबद्दल घाबरुन जाण्यासारखं काही नाही. तुम्हाला आता उलट जास्त काम करण्याची गरज आहे खास करुन ग्रामीण भागांमध्ये. ट्रॅक्टर्स आणि शेतांमुळे सर्वकाही ठिक होईल. शेतं सर्वांना बरं करतील आठवड्यातून दोन ते तीन वेळा गरम वाफ घ्या. त्यानंतर व्होडकाने हात धुण्याबरोबरच १०० मीलीलीटर व्होडका प्या,” असा सल्ला पुढे बोलताना लुकाशिंकोज यांनी दिल्याचे मेल ऑनलाइनने आपल्या वृत्तामध्ये म्हटलं आहे. या शनिवारी झालेल्या आईस हॉकी सामन्यामध्ये लुकाशिंकोज यांनी स्वत: सहभाग घेतला होता. यावेळेस एका पत्रकाराने त्यांच्याशी संवाद साधताना करोनासंदर्भात प्रश्न विचारला असता, “गुडघ्यावर राहून जगण्यापेक्षा उभं राहून मेलेलं बरं. खेळ हे आरोग्यासाठी चांगले आहेत. सध्या या स्टेडीयममधील परिस्थिती फ्रीजसारखी आहे. खास करुन येथील बर्फ हा नैसर्गिक अॅण्टी-व्हायरल औषध आहे,” असं उत्तर त्यांनी दिल्याचं सीएनएनने म्हटलं आहे. Watch the President of Belarus explain why the #Covid_19 Coronavirus isn't a threat and why he's still letting crowds go to sporting events. Then go lie down. pic.twitter.com/DrNHOzi7f6 — Femi (@Femi_Sorry) March 30, 2020 व्होडका किंवा अंगावर वाफ घेतल्यावर करोनाचा विषाणू नष्ट होतो असा कोणताही शोध अद्याप लागलेला नाही. जागतिक आरोग्य संघटनेने करोनापासून बचाव करण्यासाठी साबणाने हात धुणे, सोशल डिस्टन्सिंग पाळणे आणि सार्वजनिक ठिकाणी गर्दी न करणे असे काही उपाय सुचवले आहेत.