News Flash

करोना योद्ध्यांनी जेसीबीमध्ये बसून पार केली नदी; जिद्द पाहून नेटकऱ्यांनी ठोकला सलाम

नदी पार करण्यासाठी करोना योद्ध्यांनी लढवली शक्कल; नेटकरी भारावले

करोना योद्ध्यांनी जेसीबीमध्ये बसून पार केली नदी

करोना महामारीला सुरुवात झाल्यापासून डॉक्टर, आरोग्य कर्मचारी दिवसरात्र झटत असून रुग्णसेवा करत आहेत. यावेळी त्यांना पायाभूत सुविधांची कमतरता, संतप्त नातेवाईक अशा अनेक अडचणींचा सामना करावा लागत आहे. इतकंच नाही तर काही आरोग्य कर्मचाऱ्यांना करोना रुग्णांवर उपचार करण्यासाठी नैसर्गिक संकटाशीही तोंड द्यावं लागत आहे. करोना कर्मचाऱ्यांची जिद्द दाखवणारा असाच एक फोटो सध्या सोशल मीडियावर व्हायरल झाला आहे.

लडाखमध्ये नदी पार करण्यासाठी आरोग्य कर्मचाऱ्यांनी चक्क जेसीबीची मदत घेतली. नदी पार करण्यासाठी कर्मचारी जेसीबीमध्ये बसलेले या फोटोत दिसत आहे. इतर कोणताही पर्याय शिल्लक नसल्याने त्यांनी हा मार्ग निवडला होता.

लडाखच्या खासदाराने हा फोटो शेअर केला असून आरोग्य कर्मचाऱ्यांच्या जिद्दीचं नेटकऱ्यांकडून कौतुक केलं जात आहे. फोटो ट्विट करताना त्यांनी म्हटलं आहे की, “आपल्या करोना योद्ध्यांना सलाम, ग्रामीण भागात सेवा देण्यासाठी करोना योद्ध्यांची टीम नदी पार करत आहे. घरीच सुरक्षित राहा आणि करोना योद्ध्यांना सहकार्य करा”.

फोटो सोशल मीडियावर प्रचंड व्हायरल झाला असून करोना योद्ध्यांनी दाखवलेलं शौर्य आणि जिद्द पाहून नेटकऱ्यांनी सलाम ठोकला आहे. लडाखमध्ये आतापर्यंत १९५ जणांचा करोनामुळे मृत्यू झाला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 9, 2021 11:59 am

Web Title: covid 19 warriors ride jcb machine to cross river ladakh photo twitter social media virual sgy 87
Next Stories
1 Video : फ्रान्समध्ये संतप्त नागरिकानं चक्क राष्ट्राध्यक्षांच्याच कानशिलात लगावली!
2 पाठिशी हात, पायाशी योगा मॅट! डेविड वॉर्नर, राशिद खान मनिष पांडे नक्की करतायत काय?
3 झोमॅटोनं विचारलं “खाना खा लिया?” उत्तर आलं, “येस मम्मी”!
Just Now!
X