आज सचिन तेंडुलकरचा वाढदिवस संपूर्ण देश साजरा करत आहे. त्याच्यावर शुभेच्छांचा वर्षाव होत आहे. परंतु, खोडसाळपणासाठी प्रसिद्ध असलेल्या ऑस्ट्रेलियनांनी या महान फलंदाजाला वाढदिवसाच्या दिवशी डिवचायचा प्रयत्न केला आहे. आज डॅमियन फ्लेमिंदचाही वाढदिवस आहे. क्रिकेट ऑस्ट्रेलियानं फ्लेमिंगचा वाढदिवस साजरा करताना त्यानं सचिन तेंडुलकरला क्लीन बोल्ड केलं होतं, तो व्हिडीयो ट्विट केला आहे.

क्रिकेट ऑस्ट्रेलियाच्या या कृत्यामुळे सचिनचे चाहते भडकले असून त्यांनी सचिननं फ्लेमिंगला मारलेल्या षटकारांचे व्हिडीयो ट्विट केले आहेत.
फ्लेमिंगनं सचिनला कसोटी व एक दिवसीय सामन्यात मिळून सात वेळा बाद केलं आहे. सगळ्यात जास्त 14 वेळा ब्रेट लीनं सचिनची विकेट घेतली आहे, तर ग्लेन मॅग्राथनं 13 वेळा व जेसन गिलेस्पनं आठ वेळा सचिनला बाद केलं आहे.

योगायोग म्हणजे आज फ्लेमिंगताही वाढदिवस असून त्यानं 48 वर्ष पूर्ण केली तर सचिननं 45 पार केलं आहे.