एखाद्या नामांकित ब्रँडचे नाव कुठून आणि कसे आले याबाबत आपल्यामध्ये कायमच उत्सुकता असते. त्या नावामागची गोष्ट ऐकण्यासाठी आपण उत्सुक असतो. एखाद्या ब्रँडच्या नावाच्या जन्माच्या कथा आपल्याला कधी ना कधी ऐकायलाही मिळतात. मात्र काही गोष्टी मात्र आपल्याला माहितच नसतात. अशाचप्रकारे कारच्या जगातील अतिशय महत्त्वाच्या आणि नामांकित ब्रँड असलेल्या मर्सिडीज गाडीचे नाव कुठून आले माहितीये? यामागची नेमकी गोष्ट काय आहे जाणून घेऊया. ऑस्ट्रीयामध्ये नाईस शहरात एमिल जेलीनेक नावाचा एक व्यक्ती राहायचा. तो कारचा अतिशय चाहता होता. जेलीनेक एक प्रसिद्ध व्यावसायिक आणि राजकीय दूत होता. १८९९ मध्ये नाईस शहरात एक कारची शर्यत आयोजित करण्यात आली होती. या शर्यतीत जेलीकेनने आपली डेमलरने निर्मिती केलेली २३ अश्वशक्ती असलेली एक कार उतरवली होती. जेलीनेकला या शर्यतीच्या वर्षभर आधीच मुलगी झाली होती आणि तिचं नाव त्याने मर्सिडिझ असं ठेवलं होतं. आपल्या या लाडक्या मुलीच्या नावावरुन त्याने या गाडीचे नाव मर्सिडिज ठेवले. विशेष म्हणजे जेलीकेनची ही मर्सिडिझ गाडी शर्यतीत पहिल्या क्रमांकावर जिंकली. VIDEO : धुकं की धबधबा?, पाहा निसर्गाचा चक्रावून टाकणारा चमत्कार त्यानंतर डेमलेरने आपल्या या कारच्या डिझाईनमध्ये काही बदल करण्याचे ठरविले. यावेळी जेलीनेकने आपली ३६ गाड्यांची ऑर्डर दिली. तसेच या नव्या रुपातील गाडीला मर्सिडिज असे नाव द्यावे अशी विनंतीही त्याने केली. डेलमरने त्याची ही विनंती मान्य केली. नंतर ही गाडी खूप प्रसिद्ध झाली आणि तेव्हापासून या गाडीचे नाव मर्सिडिझ करण्यात आले.
