News Flash

‘टाइम’च्या मुखपृष्ठावर ट्रम्प-पुतिन यांचा दोस्ताना

पुतिन आणि डोनाल्ड ट्रम्प यांचा फोटो मॉर्फ करून जे व्यक्तीमत्त्व उभं राहतं ते या मुखपृष्ठावर छापण्यात आलं आहे.

'राष्ट्रध्यक्ष ट्रम्प यांना पुतिनना भेटायचं होतं. त्यांना जी अपेक्षा होती त्यापेक्षा बरंच काही त्यांना मिळालं' अशा शब्दात या भेटीच वर्णन करण्यात आलं आहे.

एकीकडे अमेरिकेसारख्या महासत्तेचे राष्ट्राध्यक्ष डोनाल्ड ट्रम्प आणि दुसरीकडे रशियासारख्या बलाढ्य देशाचे अध्यक्ष पुतिन.. नुकत्याच हेलसिंकी येथे पार पडलेल्या शिखर बैठकीत या दोन्ही नेत्याची भेट झाली. या भेटीची दखल जगभरातील माध्यमांनी घेतली. पण या भेटीचं फलित काय यावर प्रकाश टाकणारा बहुचर्चित ‘टाइम’ मासिकाचा अंक जुलैअखेर प्रसिद्ध होणार आहे. आणि यानिमित्तानं हटके पद्धतीनं ‘टाइम’ मासिकानं ट्रम्प- पुतीन यांच्या बैठकीवर ताशेरे ओढले आहेत.

विशेष म्हणजे ‘टाइम’नं या विषयाकडे लक्ष वेधण्यासाठी आपलं मुखपृष्ठ अत्यंत प्रभावीपणे डिझाइन केलं आहे. हे मुखपृष्ठ सध्या सगळीकडेच चर्चेचा विषय ठरला आहे. पुतिन आणि डोनाल्ड ट्रम्प यांचा फोटो मॉर्फ करून जे व्यक्तीमत्त्व उभं राहतं ते या मुखपृष्ठावर छापण्यात आलं आहे. या मासिकाच्या प्रसिद्ध व्हिज्युअल आर्टिस्ट नॅन्सी बॉर्सन यांनी ते डिझाइन केलं आहे. ‘राष्ट्रध्यक्ष ट्रम्प यांना पुतिनना भेटायचं होतं. त्यांना जी अपेक्षा होती त्यापेक्षा बरंच काही त्यांना मिळालं’ अशा शब्दात या भेटीच वर्णन करण्यात आलं आहे.

शिखर बैठकीवर प्रकाश टाकणारा हा अंक ३० जुलैला प्रकाशित होणार आहे. याचं मुखपृष्ठ टाइम मासिकानं ट्विट केला आहे. अध्यक्षीय निवडणुकीत रशियाने हस्तक्षेप केल्याच्या प्रकरणात काम करणाऱ्या अमेरिकी अधिकाऱ्यांनी हवे असल्यास आमच्या देशातील अधिकारी करीत असलेल्या चौकशीत सामील व्हावे, असा प्रस्ताव अमेरिकी अध्यक्ष डोनाल्ड ट्रम्प यांच्यासमोर रशियाचे अध्यक्ष व्लादिमीर पुतिन यांनी हेलसिंकी येथील शिखर बैठकीत मांडला होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 20, 2018 5:04 pm

Web Title: donald trump vladimir putin morph photo on time magazine
Next Stories
1 जाणून घ्या, १०० रुपयांच्या नव्या नोटेवर असणाऱ्या ‘रानी की वाव’ची रंजक गोष्ट
2 ..म्हणून HIV ग्रस्तांच्या रक्तानं रेखाटलं प्रिन्सेस डायनाचं चित्र
3 America’s Got Talent : अन् ती थोडक्यात वाचली, काळजाचा ठोका चुकवणारा व्हिडिओ व्हायरल
Just Now!
X