07 April 2020

News Flash

फक्त ९९ रुपयांत खराब स्मार्टफोन करा दुरूस्त; फ्लिपकार्टची घरपोच सेवा

जर 10 दिवसांमध्ये फोन परत मिळाला नाही तर फ्लिपकार्टकडून 500 रुपयांचं गिफ्ट व्हाउचर

(सांकेतिक छायाचित्र)

ई-कॉमर्स कंपनी फ्लिपकार्टने आपल्या संकेतस्थळावरुन नवीन मोबाइल खरेदी करणाऱ्यांसाठी एक नवा मोबाइल प्रोटेक्शन प्लान अर्थात सुरक्षा प्लान लाँच केला आहे. या प्लानच्या अंतर्गत ग्राहकांना अधिकृत ब्रँडचे फोन मोफत रिपेअर किंवा बदलून मिळेल. 99 रुपयांपासून या प्लानची सुरूवात असून CMP म्हणजेच ‘कंप्लीट मोबाइल प्रोटेक्शन’ असं याचं नाव आहे. या प्लानमध्ये फोनच्या हार्डवेअर आणि सॉफ्टवेअरसंबंधी तसंच ब्रेकेज आणि लिक्विड डॅमेजच्या समस्या सोडवल्या जाणार आहेत.

फ्लिपकार्ट आपल्या या नव्या सेवेद्वारे घरपोच डिलिव्हरी देखील उपलब्ध करुन देत आहे. या प्लानचा लाभ शाओमी, ओप्पो, पोको, रिअलमी, ओप्पो, सॅमसंग, अॅपल, ऑनर, आसुस, इंफिनिक्स आणि अन्य अनेक ब्रँड्ससह मिळेल. नवा स्मार्टफोन खरेदी करताना हा प्लान घेता येईल. फोनची डिलिव्हरी होताच हा प्लान सक्रिय होईल आणि एक वर्षापर्यंत वैधता असणार आहे. या इन्शुरन्सवर दावा ठोकण्यासाठी 1800 425 365 365 या क्रमांकावर कॉल करुन तुमची पॉलिसी आयडी शेअर करावी लागेल. जर स्क्रीन तुटली असेल किंवा पाण्यामुळे फोन खराब झाला असेल तर तुमच्या इमेल आयडीवर एक लिंक पाठवली जाईल. यासाठी तुम्हाला 500 रुपये प्रोसेसिंग फी द्यावी लागेल. फी भरल्यानंतर फोनसाठी पिक अप आणि ड्रॉपची सेवा दिली जाईल, पहिल्यांदा या सेवेचा वापर करणाऱ्यांसाठी ‘पिक अप’ आणि ‘ड्रॉप’ मोफत मिळेल. पॉलिसीनुसार तुम्ही केवळ एकदाच डॅमेज स्क्रीन किंवा लिक्विड डॅमेजसाठी दावा ठोकू शकता. दुरूस्तीसाठी दिलेला फोन 10 दिवसांच्या आत तुम्हाला परत दिला जाईल. जर 10 दिवसांमध्ये फोन परत मिळाला नाही तर फ्लिपकार्टकडून 500 रुपयांचं गिफ्ट व्हाउचर मिळेल.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 22, 2019 4:10 pm

Web Title: door step repairing of smartphones from flipkart sas 89
Next Stories
1 चिदंबरम यांच्या अटकेनंतर मोदींच्या ‘त्या’ भाषणाचा व्हिडिओ व्हायरल, जाणून घ्या कारण
2 शांतता बाळगणाऱ्या मनसैनिक आणि राज ठाकरेंचे कौतुक आणि टीकाही
3 विंडिजच्या समुद्र किनारी रंगली विराट-अनुष्काची ‘बीच डेट’
Just Now!
X