प्रेमाला वयाची मर्यादा नसते, असं म्हटलं जातं. मात्र, हल्लीच्या जमान्यात अनेक नाती आणि संसार औटघटकेचा खेळ ठरतो. तर ज्यांच्याकडून आम्ही एकमेकांवरून प्रेम करतो असं दाखवण्याचा प्रयत्न होतो अशांच्या प्रेमाची व्याख्या फार फार तर एकमेकांसोबत सेल्फी काढून महागडं गिफ्ट देण्यापर्यंत मर्यादित असते. हा आता याला अनेक अपवादही आहेत. अशाच अनकंडिन्शल लव्ह प्रकारात मोडणाऱ्या एका प्रसंगाचा व्हिडिओ सध्या सोशल मीडियावर व्हायरल होत आहे. हा व्हिडिओ तुम्हाला खऱ्या प्रेमाची जाणीव करून देईल. आपल्या वृद्ध पत्नीला चालता येत नाही म्हणून तिच्या पतीने पूरातून वाट काढत तिला सुरक्षित ठिकाणी नेलं. पाठीवरून आपल्या पत्नीला नेतानाचा त्याचा व्हिडिओ व्हायरल झाला आहे. चीनच्या व्हिबो या सोशल मीडिया साईटवर हा व्हिडिओ शेअर करण्यात आला असून लाखो लोकांनी तो पाहिला आहे.
