सोशल मीडिया सध्या मनोरंजनाचं प्रमुख साधन बनलं आहे. विविध प्लॅटफॉर्म्सवर दररोज नवनवे फनी व्हिडिओ शेअर होत असतात. काही व्हिडिओ पाहून हसू अनावर होतं तर असेही अनेक व्हिडिओ असतात जे तुम्हाला विचार करायला भाग पाडतात. सध्या सोशल मीडियावर एका लहान मुलाचा व्हिडिओ चांगलाच गाजतोय. व्हिडिओमध्ये अवघ्या सहा वर्षांचा आयुष पांडे आईसोबत चक्क स्वतःच्या लग्नाबाबत चर्चा करताना दिसतोय. माजी नौदल अधिकारी हरिंदर सिक्का यांनी हा व्हिडिओ ट्विटर अकाउंटवर शेअर केला आहे. व्हिडिओ शेअर करताना सिक्का यांनी पंतप्रधान नरेंद्र मोदी यांनाही टॅग केलं असून, 'विवाहयोग्य वयामध्ये बदल करण्याची मागणी लवकरच तुमचा दरवाजा ठोठावेल असं दिसतंय', अशा आशयाचं मजेशीर ट्विट केलं आहे. व्हिडिओमध्ये सहा वर्षांचा आयुष पांडे त्याच्या आईकडे लग्न लावून द्या असं म्हणतोय. लग्न झाल्यामुळे एक पार्टनर भेटेल, ती आईची कामात मदत करेल, शिवाय त्याच्यासोबत गेमही खेळेल असं तो म्हणतोय. तसेच सध्या तीन जणांचं कुटुंब आहे ते लग्नानंतर चार जणांचं होईल, पत्नीसोबत लपाछपी खेळेन, कुटुंबात अन्य सदस्य नसल्याने लपाछपी खेळता येत नाही, असं तो व्हिडिओत बोलताना दिसतोय. त्याच्या निरागसपणावर आईलाही हसू येतं पण मुद्दाम प्रश्न विचारुन ती आपल्या लहानग्याला बोलतं करते आणि त्याचं सर्व म्हणणं आई फोनमध्ये रेकॉर्ड करुन सोशल मीडियावर पोस्ट करते. Young Pandey ji is Six Years. He’s smart,handsome,good looking,intelligent & surely not a #Pappu Smart phones are his toys.His arguments are based on logics. He’s looking for suitable match.@narendramodi Change in marriageable age demand could soon be knocking your door? pic.twitter.com/aArfXgDQFY — Harinder S Sikka (@sikka_harinder) January 23, 2021 सध्या सोशल मीडियामध्ये हा व्हिडिओ तुफान व्हायरल होत आहे.