28 September 2020

News Flash

Fact check : सुन्नी वक्फ बोर्ड खरंच अयोध्येत बाबरी हॉस्पिटल उभारणार आहे का?

व्हायरल झालेल्या निर्णयाचं सत्य?

इतिहासात सर्वात काळ चाललेला खटला अशी नोंद झालेल्या अयोध्येतील वादावर मागील वर्षी तोडगा निघाला. सर्वोच्च न्यायालयानं निकाल दिल्यानंतर राम मंदिराच्या उभारणीलाही सुरूवात झाली आहे. तर दुसरीकडे मशिद बांधण्यासाठी पाच एकर जागा देण्यात आली आहे. राम मंदिर भूमिपूजनाच्या दरम्यान पाच एकर जागेवर बाबरी हॉस्पिटल उभारण्याचा निर्णय सुन्नी वक्फ बोर्डानं घेतल्याचं सोशल मीडियावर व्हायरल झालं आहे. हे वृत्त खरंच आहे का?

या व्हायरल झालेल्या निर्णयाविषयी सत्येतीविषयी इंडिया टुडेनं शहानिशा करून (सत्यता पडताळून) वृत्त दिलं आहे. राम मंदिराच्या भूमिपूजनाच्या कार्यक्रमाची सगळीकडे चर्चा सुरू असताना बाबरी मशिदीसाठी दिलेल्या जागेवर हॉस्पिटल उभारणार असल्याचं सोशल मीडियावर व्हायरल झालं. फेसबुकवरील अनेकांनी हे वृत्त शेअर केलं. विशेष म्हणजे वृत्ताबरोबरच मशिदीसाठी देण्यात आलेल्या जागेवर कशा पद्धतीचं हॉस्पिटल बांधलं जाणार आहे, त्यांचं संकल्पचित्रही शेअर करण्यात आलं होतं.

“सर्वोच्च न्यायालयानं जी पाच एकर जागा दिली आहे. त्या जागेवर बाबरी हॉस्पिटल उभारण्याचा सुन्नी वक्फ बोर्डानं असा निर्णय घेतला आहे. हे हॉस्पिटल एम्ससारखंच असेल आणि तिथे मोफत आरोग्य सेवा दिली जाईल. प्रसिद्ध डॉक्टर काफिल खान यांना या रुग्णालयाचं प्रशासक केलं जाऊ शकतं. त्याचबरोबर हॉस्पिटलमधील पूर्ण एक मजला लहान मुलांसाठी आरक्षित असणार आहे. ज्या ठिकाणी मुलांवर उपचार केले जातील,” असा मजकूर असलेला हा मेसेज व्हायरल झाला. त्याची पडताळणी केली असता हा व्हायरल झालेला संदेश चुकीचा असल्याचं समोर आलं. उत्तर प्रदेश सुन्नी वक्फ बोर्डानं “हा व्हायरल झालेला संदेश खोटा आणि त्याला कसलाही आधार नाही,” असं म्हटलं आहे. पाच एकर जागेवरील बांधकामाविषयी बोर्डानं अजून कुठलाही निर्णय घेतला नसल्याचं सुन्नी वक्फ बोर्डानं स्पष्ट केलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 8, 2020 9:55 pm

Web Title: has sunni waqf board decided to build babri hospital on the 5 acre land allotted in ayodhya bmh 90
Next Stories
1 ऑनलाइन फसवणूक करणाऱ्यांच्या इंग्रजीत चुका; नागपूर पोलिसांनी दिला भन्नाट सल्ला
2 मांजरीचं फिल्डींग स्किल पाहून सचिनही झाला अवाक, म्हणाला…ही तर जॉन्टी ऱ्होड्सलाही टक्कर देईल !
3 ट्रॅक्टरच्या मदतीनं त्यानं काढलं गाईचं दूध; हटके युक्तीच्या आनंद महिंद्राही पडले प्रेमात
Just Now!
X