श्वास रोखून ठेवायला लावणारा चीनमधील एक व्हिडीओ सध्या सोशल मीडियावर व्हायरल होत आहे. द सनने दिलेल्या वृत्तानुसार हा व्हिडीओ चीनच्या जिआंग्सु प्रांतताच्या हुवाई शहरातील आहे. पाचव्या मजल्याहून म्हणजेच जवळपास शंभर फूटावरून एक मुलगा खाली पडल्याची धक्कादायक घटना घडली. मुलगा इमारतीहून खाली पडत होता त्याचवेळी शेजारी असलेल्या व्यक्तीने चिमुरड्याला अलगद झेलले. हा मुलगा अवघ्या दोन वर्षाचा आहे. बेडरुममध्ये या मुलानं स्वत:ला कोंडून घेतलं होतं. त्यानंतर खेळताना स्टूलवरून खिडकीत आला. त्यानं खिडीबाहेर असलेल्या स्लोपला घट्ट पकडून धरलं आणि वाचवण्यासाठी ओरडू लागला. त्यानंतर खिडकीतून हात घसरुन खाली पडला. त्याच दरम्यान खाली उभ्या असलेल्या तरुणानं या मुलाचा जीव वाचवला. हा तरुण देवदूतच बननून आला आणि त्यानं चिमुकल्याला वाचवलं. ही संपूर्ण घटना कॅमेऱ्यात कैद झाली आहे. हा व्हिडीओ सोशल मीडियावर व्हायरल झाला आहे.
