News Flash

तुमच्यासाठी कायपण ! जाणून घ्या न्यूझीलंडने खेळाडू गुलाबी रंगात रंगण्याचं कारण

टी-२० मालिकेत भारताची बाजी

नवीन वर्षात घरच्या मैदानावर न्यूझीलंडला भारताकडून टी-२० मालिकेत व्हाईटवॉश पत्करावा लागला. तिसरा आणि चौथा टी-२० सामना न्यूझीलंडने सुपरओव्हरमध्ये गमावला. मात्र अखेरच्या टी-२० सामन्यात न्यूझीलंडचे खेळाडू चेहऱ्याला गुलाबी रंग लावून मैदानात उतरले होते. सामन्यादरम्यान अनेकांना या गुलाबी रंगमागचं नेमकं रहस्य काय असेल असा प्रश्न पडला होता.

अनेकांनी न्यूझीलंडचे खेळाडू सनस्क्रीन लाऊन मैदानात उतरले आहेत असा अंदाजही बांधला. मात्र यामागचं खरं कारण हे वेगळचं होतं. काही दिवसांमध्ये ऑस्ट्रेलियात महिला टी-२० विश्वचषक खेळवला जाणार आहे. या स्पर्धेत न्यूझीलंडच्या महिला संघाला पाठींबा देण्यासाठी खेळाडू गुलाबी रंगात रंगून मैदानात उतरले होते.

२१ फेब्रुवारी ते ८ मार्च दरम्यान ऑस्ट्रेलियात महिला टी-२० विश्वचषक खेळवला जाणार आहे. अंतिम सामना हा ८ मार्चला म्हणजेच महिला दिनानिमीत्त मेलबर्नच्या मैदानावर खेळवला जाणार आहे. न्यूझीलंडच्या महिलांचा पहिला सामना २२ फेब्रुवारी रोजी पर्थच्या मैदानावर श्रीलंकेच्या महिलांविरुद्ध होणार आहे. ऑस्ट्रेलियाच्या महिला टी-२० विश्वचषकाच्या माजी विजेत्या असून पहिल्याच दिवशी भारतीय महिलांविरुद्ध त्यांचा सामना रंगणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 3, 2020 4:42 pm

Web Title: here is why new zealand players were sporting pink paint on their faces in the fifth t20i psd 91
Next Stories
1 हवा होता युवराज, पदरात पडला ब्रॉड ! महागडं षटक टाकणारा शिवम दुबे ट्रोल
2 आधार क्रमांक असल्यास आता त्वरीत मिळणार पॅन कार्ड; फॉर्म भरण्याची गरज नाही
3 Meena सोबत मारा मनसोक्त गप्पा, Google ची नवी सेवा
Just Now!
X