01 March 2021

News Flash

Video : रस्त्यावर पाच तास फिरत होता बिबट्या, हल्ला नव्हे तर लोकांसोबत केली मजामस्ती

जंगलातून अचानक रस्त्यावर आलेला बिबट्या लोकांसोबत चक्क खेळताना दिसला, बघा व्हिडिओ

हिमाचल प्रदेशच्या कुल्लू जिल्ह्यातील तिर्थन घाटीमध्ये गुरुवारी रस्त्यावर अचानक बिबट्या आला. बिबट्याला बघण्यासाठी लोकांनी एकच गर्दी केली. बिबट्या हिंसक प्राणी आहे, पण कुल्लूमध्ये रस्त्यावर आलेल्या या बिबट्याने कोणावरही हल्ला केला नाही. उलट तो लोकांसोबत चक्क खेळताना आणि मजामस्ती करताना दिसला.

हा बिबट्या लोकांमध्ये आरामात फेरफटका मारत होता. लोकंही न घाबरता त्याच्याशी मस्ती करत होते. काही लोकांनी या घटनेचा व्हिडिओही बनवला असून हा व्हिडिओ सध्या चांगलाच व्हायरल होत आहे. दुपारी १२ वाजेच्या सुमारास वन विभागाच्या टीमने बिबट्याला पकडून पुन्हा जंगलात सोडलं. सकाळी जवळपास सात वाजण्याच्या सुमारास लोकांनी रस्त्यावर अचानक आलेल्या या बिबट्याला पाहिलं. त्यावेळी अनेकजण गाडीबाहेर आले आणि त्यांनी बिबट्यासाठी खाण्यापिण्याचे पदार्थ फेकायला सुरूवात केली. हा बिबट्या रस्त्यावर उभ्या एका व्यक्तीजवळ जाऊन त्याच्या अंगा खांद्यावर खेळताना दिसत आहे. हा बिबट्या म्हणजे एक वर्षाचं पिल्लू असल्याची माहिती मिळाली आहे. कुल्लू खोऱ्यात सध्या उंचावरील परिसरात बर्फवृष्टी होत आहे. गारठवणाऱ्या थंडीपासून बचावासाठी जंगली प्राणी अनेकदा रहिवासी परिसरात येत असतात. शिवाय जिथे हा बिबट्या दिसला तिथून द ग्रेट हिमायलन नेशनल पार्क जवळच आहे. तिथूनच हा बिबट्या आला असावा अशी शक्यता वर्तवली जात आहे. बघा व्हिडिओ :-

आणखी वाचा- मालकिणीचा आदेश येताच म्हशीने फिल्मी गाण्यावर केला जबरदस्त डान्स, बघा Viral Video

लोकांवर हल्ला करण्याऐवजी त्यांच्यासोबत खेळणाऱ्या या बिबट्याचा व्हिडिओ सध्या व्हायरल होत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 15, 2021 2:53 pm

Web Title: himachal pradesh kullu leopard seen playing with humans in viral video sas 89
Next Stories
1 मालकिणीचा आदेश येताच म्हशीने फिल्मी गाण्यावर केला जबरदस्त डान्स, बघा Viral Video
2 १५७ वेळा नापास झाल्यानंतर अखेर ‘तो’ पास झाला Driving Test ..
3 आजीचा दरारा…डान्स थांबवून आजोबांनी ठोकली ‘धूम’; हसून लोटपोट करणारा व्हिडिओ तुफान व्हायरल
Just Now!
X