News Flash

‘त्या’ युवकाचे डोळे उघडले तेव्हा, त्याच्या छातीवर सिंह बसलेला होता आणि मग…

स्वत:चा जीव वाचवण्यासाठी त्याप्रसंगी काहीतरी...

संग्रहित छायाचित्र

भीतीने थरकाप उडवण्यासाठी सिंहाची नुसती डरकाळीच पुरेशी आहे. सिंहाच्या पावलाचे नुसते ठसे दिसले तरी, लोक आपला मार्ग बदलतात. कल्पना करा, एखादा माणूस गाढ झोपेत असताना सिंह त्याच्या छातीवर बसलेला असले तर? काय अवस्था होईल त्या माणसाची. पण वास्तवात हे घडलंय, गुजरातच्या अमरेली जिल्ह्यातील सावरकुंडला तालुक्यातील अबहारमपारा गावामध्ये.

विपुल खेलाइया हा युवक त्याच्या झोपडीमध्ये झोपलेला असताना सिंहाने त्याच्यावर हल्ला केला. त्याने डोळे उघडले, तेव्हा सिंह त्याच्या छातीवर बसलेला होता. अशा प्रसंगात बहुतेकजण परिस्थितीसमोर गुडघे टेकतील. पण विपुल हिंम्मत हरला नाही. स्वत:चा जीव वाचवण्यासाठी त्याप्रसंगी काहीतरी विशेष कृती करणे आवश्यक होते. डोळे उघडले तेव्हा, छातीवर सिंहाला पाहून विपुल सुरुवातीला थोडासा गोंधळला. पण त्याने प्रसंगावधान दाखवत मानसिक आणि शारिरीक बळ एकवटून सिंहाला अंगावरुन दूर ढकललं. टाइम्स ऑफ इंडियाने हे वृत्त दिलं आहे.

अचानक जोरदार प्रतिकार झाल्यामुळे सिंहाने सुद्धा पुन्हा हल्ला करायचे धाडस दाखवले नाही. तो पुन्हा जंगलाच्या दिशेने पळाला. “मी नैसर्गिक शिकार ठरणार नाही, हे बहुधा त्या सिंहाला कळलं असावं. त्याने भक्ष्य म्हणून माझी निवड करुन चूक केली” असे विपुल त्या भयावह रात्रीचे वर्णन करताना म्हणाला.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 17, 2020 12:48 pm

Web Title: in gujarat village braveheart shoos away lioness that sat on his chest dmp 82
Next Stories
1 Viral Video : हा ८ फुटांचा रोबोट खरोखरच बहरीनच्या राजाचा बॉडीगार्ड आहे का?
2 ९३ वर्षाच्या आजीबाईंचा ‘आँख मारे’ गाण्यावर भन्नाट डान्स, व्हिडीओ व्हायरल
3 Viral Video : मित्राची दोन कोटींची Lamborghini इलेक्ट्रीक सब-स्टेशनला ठोकली
Just Now!
X