आयपीएल सुरू होत आहे. सामने सुरू होण्याआधी प्रत्येक टीमनं चांगली कंबर कसली आहे. सध्या सामान्यात खेळणाऱ्या टीमचं सोशल मीडियावर जोरदार प्रमोशन सुरू आहे आणि कोहलीचा 'विराट' संघही प्रमोशनसाठी चांगलीच कंबर कसतोय. रॉयल चैलेंजर्स बंगळूरु संघाच्या प्रमोशनल व्हिडिओची एक क्लिप युझवेंद्र चहलनं आपल्या इन्स्टाग्राम अकाऊंटवर शेअर केली आहे. विराट, चहल आणि ब्रेंडन मैक्कुलम हे तिघंही डान्स करताना व्हिडिओत दिसत आहेत. पण मैदानात खेळणाऱ्या ब्रेंडन आणि चहलला मात्र प्रमोशनसाठी डान्स करताना काहीसं अवघडल्यासारखं झालं होतं. त्यामुळे विराटला नाचताना पाहून दोघांनाही आपलं हसू अनावर होत होतं. चहलनं शेअर केलेला हा व्हिडिओ सध्या सोशल मीडियावर तुफान गाजतोय. आतापर्यंत झालेल्या दहा हंगामात रॉयल चैलेंजर्स बंगळूरुनं एकदाही लीग जिंकली नाही. यंदा संघात काही महत्त्वपूर्ण बदल करण्यात आले आहेत आणि विराटनंही चांगलीच मेहनत घेतली आहे त्यामुळे या हंगामाचं विजेतेपद मिळवण्यास रॉयल चैलेंजर्स बंगळूरुला यश येतंय का हे पाहण्यासारखं ठरेल.
