उद्योगविश्वातलं नावाजलेलं नाव म्हणजे उद्योगपती मुकेश अंबानी. त्यामुळे त्यांच्याशी संबंधित प्रत्येक गोष्टीची चर्चा ही कायमच होत असते. मात्र गेल्या काही दिवसापासून त्यांची मुलगी इशा अंबानी हिच्या लग्नाची चर्चा रंगली आहे. नुकतीच तिच्या लग्नाची तारीख ठरली असून आता लग्नपत्रिकाही समोर आली आहे. येत्या १२ डिसेंबर २०१८ रोजी मुकेश अंबानी यांच्या मुंबईतील आलिशान निवासस्थानी इशा आनंद पिरामलसोबत विवाहबद्ध होणार आहे. त्यामुळे आता इशा-आनंदच्या घरी लगीनघाई सुरु झाली आहे. त्यातच आता यांच्या लग्नाची पत्रिका समोर आली असून एका खास आणि अनोख्या शैलीमध्ये ही पत्रिका असल्याचं पाहायला मिळत आहे. View this post on Instagram Here is the first glimpse of the beautiful invite for Isha Ambani and Anand Piramal wedding. Blessings of Gayatri Maa. #sunday #manavmanglani @manav.manglani A post shared by Manav Manglani (@manav.manglani) on Nov 4, 2018 at 1:45am PDT इशाची लग्नपत्रिका बॉक्स स्वरुपात तयार करण्यात आली आहे. यात दोन बॉक्स असून पहिल्या बॉक्सवर क्रीम रंगाचं एक सुरेख फुल आहे. त्याच्या बाजूला इशा आणि आनंद यांच्या नावाचं पहिलं अक्षर 'ia' असं लिहीलं आहे. तर दुसऱ्या बॉक्सवर लहान पेटी असून त्यात लक्ष्मी देवीची प्रतिमा आहे. दरम्यान, लग्नापूर्वी अंबानी आणि पिरामल कुटुंबीयांनी आप्तेष्ट आणि मित्रमंडळींसाठी एका छोटेखानी पार्टीचं आयोजन करणार आहेत. ही पार्टी उदयपूरमध्ये होणार आहे.
