News Flash

जीममध्ये भूत व्यायाम करत असल्याच्या चर्चेने पोलीस हैराण, काय आहे नेमकं सत्य ?

जीममध्ये भूत व्यायाम करत असल्याचा दावा करणारा व्हिडीओ व्हायरल

उत्तर प्रदेशातील झाशी येथे एका ओपन जीममध्ये भूत व्यायाम करत असल्याच्या चर्चेला उधाण आलं आहे. जीमचा व्हिडीओदेखील व्हायरल झाला होता, ज्यामध्ये मशीन कोणीही आजुबाजूला नसता आपोआप हालचाल करत असल्याचं दिसत आहे. पोलिसांनी या व्हायरल व्हिडीओची दखल घेत घटनास्थळी जाऊन पाहणी केली. यानंतर त्यांनी नेमकं काय झालं होतं याचं कारण सांगितलं आहे.

पोलिसांनी दिलेल्या माहितीनुसार, कोणीतरी थट्टा करण्यासाठी शोल्डर प्रेस मशीनला जास्त ग्रीस लावलं होतं. ज्यामुळे मशीन आपोआप वर खाली हालचाल करत होती असं सांगितलं आहे. झाशी पोलिसांनी ट्विट करत, येथे कोणतंही भूत नसून ही फक्त एक अफवा असल्याचं म्हटलं आहे.

पोलिसांनी ट्विट करताना सांगितलं आहे , “प्रमाणापेक्षा जास्त ग्रीस लावल्यानंतर मशीन काही वेळासाठी हलत राहतं. कोणीतरी मुद्दामून व्हिडीओ शूट करत सोशल मीडियावर टाकला होता. आम्ही आरोपीचा शोध घेत आहोत. येथे कोणतंही भूत नाही”.

लोकांना खात्री पटावी यासाठी पोलिसांनी तिथे पोहोचल्यावर व्हिडीओ शूट केला असून ट्विटरला शेअर केला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 13, 2020 3:25 pm

Web Title: jhansi police reached to check fact after dramatic rocking of open gym equipment sgy 87
Next Stories
1 सोशल मीडियावर ट्रेंड झाला ‘पराठा’; आनंद महिंद्रा म्हणातात, “जुगाडू वृत्तीतून…”
2 शून्य ते १८ लाख, पॉर्न इंडस्ट्रीकडे वळलेल्या या सुपरकार रेसरची सहा दिवसांतील कमाई
3 ग्राहकांची फसवणूक केल्याप्रकरणी दोन रेस्टॉरंट मालकांना ७२३ वर्षांच्या कारावासाची शिक्षा
Just Now!
X