03 March 2021

News Flash

Video : अन् रशियात पडला सोन्याचा पाऊस

सोने आणि मौल्यवान धातू घेऊन विमान निघालं होतं

निंम्बस एअर लाईन्सचे एएन-१२ हे विमान ९ टन सोनं आणि इतर मौल्यवान वस्तू वाहून नेत होतं.

गारांचा पाऊस, पैशांचा पाऊस, कृत्रिम पाऊस असे शब्द आपण अनेकदा ऐकत आलोय पण रशियामध्ये चक्क सोन्याचा पाऊस पडला आहे. त्याचं झालं असं की रशियातील सोनं, इतर मौल्यवान धातू आणि हिरे वाहून नेणाऱ्या विमानाचा दरवाजा उघडा राहिल्यानं विमानातून तब्बल थोड थोडकं नाही तर नऊ टन सोनं आणि इतर मौल्यावान गोष्टी खाली पडल्या त्यामुळे आभाळातून अक्षरश: सोन्याचा पाऊसच पडत होता.

निंम्बस एअर लाईन्सचे एएन-१२ हे विमान ९ टन सोनं आणि इतर मौल्यवान वस्तू वाहून नेत होतं. रशियाच्या याकुस्क विमानतळावर धावपट्टीवरून उड्डाण घेत असताना या विमानाचं दार उघडं राहिल्याचं स्थानिक वृत्तपत्रांनी म्हटलं आहे. या एका चुकीमुळे विमानानं उड्डाण घेतल्यानंतर सोने, हिरे आणि इतर मौल्यावान वस्तू विमानातून खाली पडल्या. त्यानंतर एका गावात विमानाची एमर्जन्सी लँडिंग करण्यात आली. या मौल्यवान वस्तूंची किंमत अब्जावधींच्या घरात जाते. आतापर्यंत १७० सोन्याच्या विटा परत मिळवण्यास यश आलं आहे. ९ टन पैकी साडेतीन टन सोन्याचा शोध लागला आहे उर्वरित सोनं आणि मौल्यवान वस्तूंचा शोध सुरू आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 16, 2018 11:23 am

Web Title: millions worth gold bars fall from plane over russia
Next Stories
1 जगभरातील आघाडीच्या ब्रँड्सच्या बाटलीबंद पाण्यात प्लास्टिकचे सूक्ष्म कण
2 फेकन्युज : अनुपम खेर यांची ‘फॉरवर्ड’गिरी
3 Video : …आणि बुलढाण्यात साजरा झाला म्हशीचा वाढदिवस
Just Now!
X