भाजपचे ज्येष्ठ नेते एकनाथ खडसे हे शुक्रवारी राष्ट्रवादीत प्रवेश करणार असल्याचे प्रदेशाध्यक्ष जयंत पाटील यांनी बुधवारी पत्रकार परिषदेत सांगितल्याने खडसे भाजपमध्ये राहतात की जातात, हा प्रश्न निकाली निघाला आहे. बुधवारी राज्यातील राजकारणात घडलेल्या या घडामोडीचे पडसाद सोशल मीडियावरही पहायला मिळाले. सोशल मीडियावर #EknathKhadse हा टॉप ट्रेण्डींग हॅशटॅगपैकी एक होता. तसेच मराठीमधूनही या विषयासंदर्भात अनेक ट्विट करण्यात आल्याचे पाहायला मिळालं. मात्र या सर्वांबरोबरच भाजपाचे नेते नारायण राणे यांचे जुने ट्विटही चर्चेत आल्याचे चित्र बुधवारी दिसून आलं. चार वर्षांपूर्वी महाराष्ट्रामध्ये खडसे विरुद्ध फडणवीस असा वाद सुरु असताना त्यावेळी काँग्रेसमध्ये असणाऱ्या राणे यांनी ट्विटरवरुन फडणवीस यांच्यावर निशाणा साधला होता. "मुख्यमंत्री देवेंद्र फडणवीस यांनी एकनाथ खडसे यांचा राजकीय बळी घेतला असून भाजपामध्ये बहुजन नेतृत्वाला टार्गेट करण्याचा प्रयत्न सुरू आहे," असं ट्विट राणेंनी केलं होतं. मुख्यमंत्री देवेंद्र फडणवीस यांनी एकनाथ खडसे यांचा राजकीय बळी घेतला असून #BJP मध्ये बहुजन नेतृत्वाला टार्गेट करण्याचा प्रयत्न सुरू आहे. — Narayan Rane (@MeNarayanRane) June 4, 2016 याचबरोबर राणे यांनी अन्य एका ट्विटमध्ये, "एका बाजूला एकनाथ खडसेंना क्लीनचीट दिल्याचे मुख्यमंत्री सांगतात, दुसऱ्या बाजूला दिल्लीत जाऊन खडसेंचा राजीनामा घ्यायची विनंती करतात," असा टोला तत्कालीन मुख्यमंत्री असणाऱ्या फडणवीस यांना लगावला होता. एका बाजूला एकनाथ खडसेंना क्लीनचीट दिल्याचे मुख्यमंत्री सांगतात, दुसऱ्या बाजूला दिल्लीत जाऊन खडसेंचा राजीनामा घ्यायची विनंती करतात. — Narayan Rane (@MeNarayanRane) June 4, 2016 खडसे यांनी भाजपाच्या प्राथमिक सदस्यत्वाचा राजीनामा दिल्यानंतर कालपासून हे ट्विट पुन्हा चर्चे आलं असून अनेकांनी या ट्विटला आता रिप्लाय देण्यास सुरुवात केली आहे. पाहुयात असेच काही रिप्लाय १) राणे साहेबाना सगळं माहीत असून काही बोलत नाहीत आणि पोरं काही दुनिया माहीत नसताना काहीपण बरळत सुटतात तुमचा पण राजकीय बळी जाईल हे ट्विट डिलीट नाही केलं तर — अजित सुरेखा आण्णासाहेब शिंदे (@Ajitshinde_28) October 21, 2020 २) खरंय पण खडसेंनी जरा उशीरच केला. एवढ्या वेळात तुम्ही पिल्लं सोबत घेऊन ४ पक्ष फिरून आलेला.. — Jay (@jayesh1290) October 21, 2020 ३) तुम्हांला अगोदर माहिती असून ही तुम्ही भाजप मध्ये गेलात साहेब. . तुमच ही नाथाभाऊ होऊ नये याची काळजी घ्या — @Deepak more (@Deepakmore01) October 21, 2020 ४) 1च नंबर राणे. काय भविष्यवाणी केलीस.तुमचा पक्ष पण फडनिस ने संपवला आणि खडसे च भाजप मधळ राजकरण पण.लवकर जागे व्हा नायतर एक दिवस तुझ्या पोरांची पण खडसे सारखी हालत होईलनिदान शिवसेने मुळे एखाद वर्ष मुख्यमंत्री तरी झलेलास आज मामी ची हालत बघ काय झाले तशी उद्या तुझ्या पोरांची व्हायची — mahesh I (@maheshI91425866) October 22, 2020 ५) राणे साहेब ही आपली भविष्यवाणी आज खरी ठरली याबद्दल आपले अभिनंदन. पण भाजपा मध्ये एक दिवस तुमचा ही असा बळी जाऊ शकतो. काळजी घ्या @EknathGKhadse — प्रशांत भोसले (@bprashant74) October 21, 2020 ६) आज नाथाभाऊ पक्ष सोडून गेले, पक्ष समाजात रुजवणाऱ्या प्रमुख कार्यकर्त्यांनी अशी साथ सोडणं दुर्दैवी आहे. वाईट वाटतंय की अटलजींची, अडवाणीजी यांच्या विचारांची भाजपा आज संपत चाललीय. भविष्यात याचे गंभीर परिणाम भोगावे लागतील. लोकशाहीतून ऐकाधीरशाही कडे पक्षाचा प्रवास चालू झाला. — Murali (@murali4536) October 21, 2020 दरम्यान, उद्या म्हणजेच २३ ऑक्टोबर रोजी खडसे राष्ट्रवादी काँग्रेसमध्ये जाहीर प्रवेश करणार आहेत. पक्षाध्यक्ष शरद पवार यांच्या उपस्थितीत खडसे पक्ष प्रवेश करणार आहेत.