News Flash

नेपाळमधल्या गर्भश्रीमंत व्यावसायिकाचा भारतात राजेशाही पद्धतीने विवाहसोहळा

लग्नात चांदीचा मंडप

बिनोद चौधरी हे नेपाळमधले प्रसिद्ध व्यवसायिक आहेत (छाया सौजन्य : वीजीन्यूज)

नेपाळमधील श्रीमंत व्यक्तींपैकी एक असलेले बिनोद चौधरी यांच्या मुलांचा गेल्याच आठवड्यात विवाहसोहळा पार पडला. गेल्या वर्षभरात राजस्थानमध्ये पार पडलेला भव्य आणि डोळे दिपवणारा असा हा विवाहसोहळा असल्याचे म्हटले जाते. बिनोद चौधरी यांचा मुलगा वरुण हा शुक्रवारी अनुश्री टोंग्या हिच्याशी विवाहबंधनात अडकला. दोन दिवस चाललेला हा विवाह सोहळा राजास्थानमधल्या प्रसिद्ध जग मंदिर महालात पार पडला. हा सोहळा इतका थाटामाटात साजरा केला होता की वधू वरासाठी चांदीचा मंडप देखील बांधला होता. या विवाहसोहळ्यासाठी देशभरातून ३५ पंडितही आले होते. खास राजस्थानी परंपरेत या दोघांनीही लग्न केले.

या लग्नासाठी उदयपूरच्या आलिशान हॉटेल्समध्ये पाहुण्यांसाठी ७०० हून अधिक खोल्या आरक्षित करण्यात आल्या होत्या. त्याचप्रमाणे हॉटेल्सपासून लग्नमंडपापर्यंत पाहुण्यांची ने आण करण्यासाठी ५०० हून अधिक आलिशान गाड्या दिमतीला होत्या त्या वेगळ्याच. या लग्नसोहळ्यासाठी सलमान खानपासून शत्रुघ्न सिन्हा, बांगलादेशचे माजी राष्ट्रपती हुसैन मोहम्मद अरसद, श्रीलंकेचे पंतप्रधान रानिल विक्रमसिंघे आदी मान्यवर देखील उपस्थित होते. बिनोद चौधरी यांच्या मोठ्या मुलाचे लग्न देखील राजस्थानमध्येच पार पडले होते. २०१५ मध्ये जयपूरमध्ये त्यांचा शाही विवाहसोहळा पार पडला होता. या विवाहसोहळ्याला देखील जगभरातल्या मान्यवरांची उपस्थिती लाभली होती.

बिनोद चौधरी हे नेपाळमधले प्रसिद्ध व्यवसायिक आहेत.  २०१६ मध्ये फोर्ब्सच्या अब्जाधीशांच्या यादीत त्यांच्या नावाचाही सहभाग होता. त्यांच्याकडे जळपळपास ८४० कोटींची संपत्ती असल्याचे फोर्ब्स ने म्हटले आहे. विनोद चौधरी यांचे कुटुंब मुळचे राजस्थानचे पण व्यापाराच्या निमित्ताने ते कायमचे नेपाळमध्ये स्थायिक झाले. पण राजस्थानशी नाळ जोडल्याने आपल्या दोन्ही मुलांचा विवाह सोहळा त्यांनी राजस्थानमध्ये थाटामाटात साजरा पार पाडला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 1, 2017 3:54 pm

Web Title: nepalese businessman binod chaudhary son varun wedding at jag madir
Next Stories
1 VIRAL : भांडणं सोडवायला गेला आणि नोकरी गमावून बसला!
2 Viral Video : बस ड्रायव्हिंग की व्हिडिओ गेमिंग…?, श्वास रोखायला लावणारा थरार
3 महाराष्ट्र दिन २०१७ : दरीदरीतून नाद गुंजला, महाराष्ट्र माझा!
Just Now!
X