मुंबई महानगर प्रदेश विकास प्राधिकरणाच्या(एमएमआरडीए)डहाणूकरवाडी ते आरे स्थानका दरम्यानच्या मेट्रो मार्गिकांच्या चाचणीचा शुभारंभ मुख्यमंत्री उद्धव ठाकरेंच्या हस्ते सोमवारी झाला. पश्चिम द्रुतगती महामार्ग (टर्मिनल १ अणि २) येथील नियंत्रित प्रवेश भुयारी- उन्नत मार्ग प्रकल्पाचे भूमिपूजन, राजणोली उड्डाण पुल मार्गिका आणि दुर्गाडी पुलाच्या दोन मार्गिकांचे ई लोकार्पण ठाकरे यांच्या हस्ते झाले. यावेळी बोलताना मुख्यमंत्र्यांनी गर्दीबद्दल चिंता व्यक्त केली. मात्र एकीकडे मुख्यमंत्र्यांनी गर्दीसंदर्भात चिंता व्यक्त केली असतानाच या उद्घाटन सोहळ्याला झालेल्या गर्दीवरुन अनेकांनी सोशल नेटवर्किंगच्या माध्यमातून प्रश्न उपस्थित केले. उद्धटनासाठी मेट्रो स्थानकावर गर्दी जमावणाऱ्या मुख्यमंत्र्यांवर कारवाई होणार का?, अशा स्वरुपाचे प्रश्न सर्वसामान्य मुंबईकरांनी ट्विटवरुन उपस्थित केलेत. करोनाच्या दुसऱ्या लाटेच्या पार्श्वभूमीवर मुंबई आणि राज्यात लागू करण्यात आलेले निर्बंध काहीप्रमाणात शिथिल करण्यात आले असले तरी ही बंधने अजून उठवलेली नाहीत. करोनाचा धोका अजूनही टळलेला नाही. पण मुंबईतील आजची गर्दी चिंताजनक आहे. अशीच गर्दी राहिली तर पुन्हा कडक निर्बंध लावावे लागतील असा इशारा मुख्यमंत्र्यांनी सोमवारी मुंबईकरांना दिला. मात्र त्यानंतर सोशल नेटवर्किंगवर मुख्यमंत्री ज्या कार्यक्रमाला आलेले तेथील गर्दीचे फोटो व्हायरल झाले. मुंबई भाजपानेही मुख्यमंत्र्यांनी रस्त्यांवरील वाहतुककोडींसंदर्भात चिंता व्यक्त केल्यानंतर मुख्यमंत्र्यांना टोला लगावला आहे. "धक्का आम्हालाही बसला मेट्रो ट्रायलच्या कार्यक्रमाला तुम्ही जमवलेली गर्दी पाहून मुख्यमंत्री उद्धव ठाकरे महोदय. फेसबुकवर सतत 'गर्दी करू नका'असे आवाहन करणारा मुख्यमंत्री हाच का? असा सवाल उभा राहिला आमच्या मनात.तोंडाच्या त्या वाफा फक्त जनता जनार्दनासाठी असतात का?", असा टोला भाजपाने लगावला आहे. धक्का आम्हालाही बसला मेट्रो ट्रायलच्या कार्यक्रमाला तुम्ही जमवलेली गर्दी पाहून मुख्यमंत्री@OfficeofUT महोदय. फेसबुकवर सतत 'गर्दी करू नका'असे आवाहन करणारा मुख्यमंत्री हाच का? असा सवाल उभा राहिला आमच्या मनात.तोंडाच्या त्या वाफा फक्त जनता जनार्दनासाठी असतात का?#MVAbetrayMumbaikars — BJP MUMBAI (@bjp4mumbai) May 31, 2021 याचसंदर्भातील इतर ट्विटसही पाहुयात. १) हाय गर्दी... मुख्यमंत्री आहेत म्हणून #COVID19 निर्बंध नाही पाळणार? #UddhavThackeray #MetroTrialRuns #MumbaiMetro #lockdown2021 #COVID19 pic.twitter.com/o5MAhuPWBV — SHAMAL KHAIRNAR (@KHAIRNARSHAMAL) June 1, 2021 २) कित्ती ही गर्दी ? सरकारी सोहळा म्हणून काय झाले? मुख्यमंत्री, मंत्री आहेत म्हणून #COVID19 निर्बंध नाही पाळणार? लग्नाला ५० लोक नाही चालत, मग मेट्रोच्या कार्यक्रमाला ४००-५५० ची गर्दी कशी? महाराष्ट्रात #lockdown असताना कोण आणि कशी देतो या गर्दीला परवानगी ? येथेही नियमपालन हवेच होते pic.twitter.com/95IRfCnTSQ — karan darda (@kdarda) May 31, 2021 ३) मुख्यमंत्री मेट्रोच्या उदघाटनासाठी गर्दी जमा करू शकतात,तर मग आम्ही राज्याभिषेक सोहळ्यासाठी का नाही? राज्याभिषेक तर थाटातच होणार. #चला_रायगड #६_जून_राज्याभिषेक_सोहळा — Raje Satya (@_Raje_SA) June 1, 2021 ४) महाराष्ट्राचे लाडके मुख्यमंत्री साहेब आपल्याकडून गर्दी झालेली चालेल तिथे कारवाई होणार नाही बरोबर फक्त सामान्य नागरिकांनी गर्दी केली तर तिथे तात्काळ कारवाई कायदा फक्त सामान्य नागरिकांना कारवाई करण्यासाठी आहे का @CMOMaharashtra pic.twitter.com/VSq2WqTboG — गोविंद साळुंखे (@5hrSwg4IGrVmyaJ) May 31, 2021 ५) गर्दी मध्ये कोरोनाला कोंडवुन कस मारायच याच प्रशिक्षण देताना स्वत महाराष्ट्राचे मुख्यमंत्री ऊद्धवजी ठाकरे. ठाकरे सरकार कोरोणा गपगार — Vicky (@AngryBird_5000) May 31, 2021 ६) राज्यातील सामान्य जनता या कोविड च्या महामारीत होपळत असताना . मा. मुख्यमंत्री यांच्या उपस्थितीत अशी गर्दी होणे कितपत योग्य आहे. हे म्हणजे अस झालं. लोका सांगे ब्रह्म ज्ञान स्वतः मात्र कोरडा पाषाण pic.twitter.com/XbvnQaZz7O — Vikram Surve (@VikramSurve12) May 31, 2021 ७) काल महाराष्ट्राचे मुख्यमंत्री यांनी लोकांना सांगितले की गर्दी करु नका नियम पाला। आणि आज स्वता गर्दी करत आहेत। वा रे फसवी सरकार@rajupatilmanase @RajThackeray @mnsadhikrut @MarathiWadal @abpmajhatv pic.twitter.com/4l7quwFzVo — @its_bhushann (@BhushanSurve13) May 31, 2021 ८) गर्दी मुळे कोरोनाचा फैलाव होतो असे जनतेवर खापर फोडणारे मुख्यमंत्री कोरोनाचा अजून शिरकाव असताना मोठ्या गर्दीत मेट्रोला हिरवा कंदील दाखवताना ह्या वरुन एक गोष्ट तर नक्की सिद्ध होते कोरोना हा नालायक जनतेमुळे वाढतो नेत्यांमुळे मुळीच नाही#मुंबई #Metro @MMRDAOfficial @CMOMaharashtra pic.twitter.com/qhPyXIHglL — Nivrutti Babar (@nivrutti_babar) May 31, 2021 ९) रस्त्यावरची गर्दी पाहता बंधनांचा पुन्हा विचार करावा लागेल असे मुख्यमंत्री उद्धव ठाकरे म्हणाले, मग या गर्दीचं काय मुख्यमंत्री साहेब ? जर राजकारणी यासाठी बाहेर पडू शकतात तर सामान्य लोक रोजीरोटीसाठी बाहेर पडतात, त्यांना बोलण्याचा अधिकार तुम्हाला आहे का ?#मराठी pic.twitter.com/g1JNMnETzU — Anuraag Kamble/अनुराग (@AnuragANK) May 31, 2021 १०) लोका सांगे फेसबुक live ज्ञान, स्वतः कोरडे पाषाण... pic.twitter.com/Hn3LDgSYFh — Sandeep Deshpande (@SandeepDadarMNS) May 31, 2021 भाजपाने टाकला बहिष्कार मुंबई मेट्रो-२ आणि मेट्रो-७ या दोन्ही मेट्रो लाईनच्या चाचणीच्या निमंत्रणपत्रिकेवर मुंबई आणि मुंबई उपनगर जिल्ह्य़ाचे पालकमंत्री यांची तसेच विधान परिषदेचे विरोधी पक्ष नेते प्रवीण दरेकर यांची नावे होती. पण विधानसभेचे विरोधी पक्षनेते देवेंद्र फडणवीस यांना आमंत्रित करण्यात न आल्याने भाजपने या कार्यक्रमावर बहिष्कार टाकला व निषेध आंदोलनही केले.