News Flash

एक विवाह ऐसा भी! लॉकडाउनमुळे वृद्ध जोडप्याने ‘व्हिडीओ कॉल’द्वारे केलं लग्न, पाहा व्हिडिओ

९५ वर्षांचे आजोबा व ८५ वर्षांच्या आजी यांनी व्हिडीओ कॉलद्वारे लग्न केलं. 

करोना विषाणूचा प्रसार जगभरात झाला आणि त्याचा अधिकाधिक प्रसार होऊ नये यासाठी अनेक देशांमध्ये लॉकडाउनची घोषणा करण्यात आली. अत्यावश्यक वस्तूंच्या खरेदीसाठी सोडता लोकांनी घराबाहेर पडू नये असं आवाहन करण्यात आलं. सार्वजनिक वाहतुकीचे सर्व पर्याय बंद करण्यात आले. लॉकडाउनमुळे लोकांना त्यांचे सर्व प्लॅन, सर्व नियोजित कार्यक्रम रद्द करावे लागले. पण म्हणतात ना, की प्रेमापोटी माणूस काहीही करू शकतो. एकमेकांच्या प्रेमापोटी एका वृद्ध जोडप्याने लॉकडाउनच्या काळात ‘झूम व्हिडीओ कॉल’द्वारे आयुष्यभरासाठी एकत्र राहण्याच्या आणाभाका घेतल्या.

९५ वर्षांचे आजोबा व ८५ वर्षांच्या आजी यांनी व्हिडीओ कॉलद्वारे लग्न केलं. ‘सीबीएस न्यूज’ने दिलेल्या वृत्तानुसार, ओहिओत राहणारे अल्विन ली आणि डोरोथी ड्रिस्केल २०१९ मध्ये एकमेकांना भेटले. मार्च महिन्यात त्यांचा लग्नसोहळा पार पडणार होता. मात्र लॉकडाउन आणि करोना व्हायरसमुळे लग्नसोहळ्यावर पाणी फेरलं.

या वृद्ध जोडप्याने तरीही लग्न करण्याचा निर्णय पक्का केला. पुजाऱ्यालाही व्हिडीओ कॉल केला आणि या जोडप्याने लग्नाच्या वचनांची देवाणघेवाण केली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 12, 2020 2:27 pm

Web Title: senior citizens tie the knot on zoom after coronavirus derails their wedding plan ssv 92
Next Stories
1 “कुंभकर्ण घरी झोपला होता तोपर्यंत…”; लॉकडाउनसंदर्भातील ट्विटवरुन काँग्रेस नेता ट्रोल
2 लॉकडाउन असूनही प्रियकराशी लग्न करण्यासाठी ६० किमी चालत आली प्रेयसी
3 मोदींसहीत केवळ ‘या’ दोन भारतीय अकाऊंटला ट्विटरवर व्हाइट हाऊस करतं फॉलो
Just Now!
X