30 September 2020

News Flash

Viral : ‘ही’ आहे जगातील ‘वजनदार’ महिला

तिचे वजन ५०० किलो आहे

संग्रहित छायाचित्र

लठ्ठपणाचा शिकार झालेले अनेक लोक तुम्ही पाहिले असतील, पण नुकताच जगातील सगळ्यात लठ्ठ अशा महिलेचा एक फोटो व्हायरल झाला आहे. या महिलेचे वजन तब्बल ५०० किलो म्हणजे अर्धा टन असल्याचे नोंदवण्यात आले आहे. इजिप्तमधल्या अलेक्झॅड्रीयामध्ये राहणारी ३६ वर्षीय इमान ही जगातील सगळ्यात लठ्ठ महिला आहे. इमान अहमद अब्लदुलाती ही ३६ वर्षीय महिला गेल्या २५ वर्षांपासून घरातून बाहेरच पडली नाही. डेली मेलने दिलेल्या माहितीनुसार या महिलेचे वजन इतके अधिक आहे की तिला बिछान्यावरुन हलताही येत नाही. आपल्या दैनंदिन क्रियेसाठी इमानही पूर्णपणे आपल्या आई आणि बहिणीवर अवलंबून असते. इमानचे लहानपणापासूनच वजन हे तिच्या वयापेक्षा अधिक होते. जन्माच्यावेळीच तिचे वजन जवळपास ५ किलोच्या आसपास होते. इमान ही ११ वर्षांची झाली तेव्हा तिच्या वजनामुळे तिला नीट उभे राहता यायचे नाही. त्यामुळे खेळण्या बाडगण्याच्या वयात इमानला घरातच राहावे लागायचे. त्यातूनच अर्धांगवायूचा झटका आल्याने तिला शाळाही सोडावी लागली. गेल्या २५ वर्षांपासून तिची आई आणि बहिण तिची सेवा करत आहे. इमान पूर्णपणे त्यांच्यावर अवलंबून आहे त्यामुळे तिच्या कुटुंबियांनी इजिप्तचे राष्ट्रपती अब्देल फतेह अल सीसीकडे वैद्यकिय साहाय्य मागितले आहे. यासाठी त्यांनी ऑनलाइन याचिका देखील दाखल केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 24, 2016 5:15 pm

Web Title: this woman is fattest in the world
Next Stories
1 १० वर्षांच्या मुलाने पंतप्रधान कार्यालयाला पाठवले १ हजार रुपये
2 Video: अवघ्या चार वर्षाची चिमुकली बोलते जगातील सात भाषा
3 नेटिझन्समध्ये संचारली ऊर्जा, ट्विटरवर सध्या UrjaaGanga हॅश टॅग ट्रेंडमध्ये
Just Now!
X