ग्रेटर चेन्नई पोलिसांनी 'चेन्नई टॉक्स' नावाचं युट्यूब चॅनल चालवणाऱ्या तिघांना अटक केली आहे. एका महिलेच्या तक्रारीनंतर ही कारवाई करण्यात आली आहे. चेन्नई टॉक्ससोबत बातचीत करतानाचा एका महिलेचा व्हिडिओ व्हायरल झाला असून यामध्ये ती महिला लैंगिक संभोग, लैंगिकता अशा विषयांवर बोलताना दिसत आहे. व्हिडिओमध्ये महिला सेक्स, कामुकता अशा विषयांवर सविस्तर बोलताना दिसते, तर चॅनलचा प्रतिनिधी बाजूला हसताना दिसतो. इंडियाटुडेच्या वृत्तानुसार व्हिडिओ व्हायरल झाल्यानंतर आता महिलेने तक्रार केली आहे. 'शो पूर्णतः स्क्रिप्टेड होता आणि व्हिडिओवरील कमेंट डिसेबल केल्या जातील अशी शाश्वती चॅनलकडून देण्यात आली होती. व्हिडिओ अन्य युट्यूब चॅनल्सवर उपलब्ध असल्याचं आणि कमेंट डिसेबल नसल्याचं समजल्यावर धक्का बसला', असं या महिलेने तक्रारीत म्हटलंय. सेक्स आणि रिलेशनशिपवर खुलेआम बोलत असल्याने व्हिडिओ व्हायरल झाल्यापासून सोशल मीडियामध्ये काही नेटकरी तिला शिवीगाळ करत आहेत. दरम्यान, चॅनलचा मालक दिनेश, व्हिडिओ जर्नलिस्ट अजय बाबू आणि VJ असेन या तिघांना पोलिसांनी अटक केली आहे. चॅनलचा क्रू बसंत नगर परिसरात उपस्थित असून लोकांना अस्वस्थ करणारे प्रश्न विचारत असल्याची माहिती पोलिसांना मिळाली होती. त्यानंतर पोलिसांनी तिघांना अटक केली असून त्यांची उपकरणंही जप्त करण्यात आली आहेत. या चॅनलवर बहुतांश व्हिडिओ वॉक्स-पॉप स्टाइलमध्येच असतात, त्यात लोकांना थेट प्रश्न विचारले जातात. பெசன்ட் நகர் கடற்கரையில் Prank show என்ற பெயரில் பெண்களை ஆபாசமாக பேச வைத்து வீடியோ பதிவு செய்து வெளியிட்டு வந்த YouTube channel ன் உரிமையாளர்,தொகுப்பாளர் மற்றும் கேமராமேன் ஆகிய மூன்று நபர்களும் கைது செய்யப்பட்டு சிறையில் அடைக்கப்பட்டனர். pic.twitter.com/35UET3hCDU — DCP Adyar (@DCP_Adyar) January 12, 2021 पोलिसांनी आरोपींविरोधात आयपीसी कलम 354(b), 294(b), 509, 506(ii) अंतर्गत गुन्हा दाखल केला आहे.
