News Flash

लाजीरवाणे! अॅसिड हल्ल्यातील पीडितेसोबत महिला पोलिसांचा सेल्फी

महिला पोलिसांची असंवेदनशीलता

लखनौमध्ये महिला पोलिसांनी रुग्णालयामध्ये अॅसिड हल्ल्यातील एका पीडितेसोबत सेल्फी काढल्याचा संतापजनक प्रकार समोर आला

सध्या सर्वांनाच सेल्फीचे वेड लागले आहेत. पण सेल्फी कधी काढावी याचे भानही या सेल्फीवेड्या मंडळींना  राहिलेले नाही. उत्तरप्रदेशमध्ये असाच एक प्रकार समोर आला असून लखनौमध्ये महिला पोलिसांनी रुग्णालयामध्ये अॅसिड हल्ल्यातील पीडितेसोबत सेल्फी काढल्याचा संतापजनक प्रकार समोर आला आहे. हा प्रकार समोर येताच संबंधित महिला पोलिसांवर निलंबनाची कारवाई करण्यात आली आहे.

लखनौमधील किंग जॉर्ज मेडिकल विद्यापीठाच्या रुग्णालयात अॅसिड हल्ल्यातील एका पीडितेवर उपचार सुरु आहेत. या पीडितेच्या बेडजवळ बसलेल्या तीन महिला पोलीस सेल्फी काढतानाचा फोटो समोर आला होता. सोशल मीडियावरही हा फोटो व्हायरल झाला असून अनेकांनी महिला पोलिसांच्या असंवेदनशीलतेवर टीका केली होती. शेवटी उत्तर प्रदेशच्या पोलीस महासंचालकांनीही या प्रकरणाची दखल घेतली आहे. पोलीस महासंचालक सतीश गणेश यांनी फोटोमधील तिन्ही महिला पोलिसांच्या चौकशीचे आदेश दिले आहे. महिला पोलिसांचे कृत्य हे असंवेदनशील असून त्यांच्यावर तात्काळ कारवाई करण्याचे आदेश त्यांनी दिले होते. प्राथमिक चौकशीनंतर प्रशासनाने रजनीबाला सिंह आणि डेजी सिंह यांच्यावर निलंबनाची कारवाई करण्यात आली आहे. तर तिसऱ्या महिला पोलिसाची चौकशी सुरु आहे.  चौकशीत दोषी आढळल्यास त्यांच्यावरही कठोर कारवाई केली जाईल असे सूत्रांनी सांगितले.

अलाहाबाद- लखनौ गंगा गोमती एक्सप्रेसमधून प्रवास करणाऱ्या एका महिलेला दोन अज्ञात व्यक्तींनी अॅसिड पिण्यास भाग पडले होते. महिलेवर हल्ला करणाऱ्या गुंडांनी यापू्र्वीही अॅसि़ड हल्ले केले आहेत. या नराधमांनी लक्ष्य केलेली ही चौथी महिला आहे. यापूर्वी त्यांनी लखनौजवळच एका महिलेवर सामूहिक बलात्कार केला होता. या महिलेवरही बलात्कारानंतर अॅसिड हल्ला झाला होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 25, 2017 12:16 pm

Web Title: up female cops who took selfies with acid attack in lucknow hospital victim suspended
Next Stories
1 चर्चा तर होणारच… एकाच रुग्णालयात जन्मले रोमिओ आणि ज्यूलिएट
2 हात-पाय नाहीत तरी व्हिडिओगेमचा छंद जिद्दीने जोपासला
3 ‘उंदरांनी २५ किलो ड्रग्ज खाल्ली की हो’- नागपूर रेल्वे पोलीस
Just Now!
X