News Flash

Viral Video : नारळाच्या झाडावर चढणाऱ्या चिमुकलीचा व्हिडीयो पाहून तुम्हीही व्हाल थक्क

धैर्य खऱ्या अर्थाने कौतुकास्पद

नारळाच्या झाडावर चढणारी चिमुकली

ताडामाडासारखे नारळाचे झाड आणि त्याला लागणारे नारळ पाहिले की हे नारळ कसे काढले जात असतील असा प्रश्न लहानपणी आपल्यातील अनेकांना पडलेला असतो. मोठे होत जातो तसा या प्रश्नाचा उलगडा आपल्याला व्हायला लागतो. कोकणात गेल्यावर कधी प्रत्यक्ष तर कधी व्हिडिओमध्ये नारळ काढण्यासाठी झाडावर सरसर चढणारी माणसे आपण पाहतो. ते पाहून त्यांच्या कौशल्याचे आपल्याला मोठे कौतुक वाटते. नुकताच असाच एक व्हिडीयो व्हायरल होत असून यामध्ये केरळमध्ये एक लहानगी नारळाच्या झाडावर सरसर चढताना दिसत आहे. यातही ती खोडावरुन न चढता झावळीवरुन चढत असल्याचे आपल्याला व्हिडीयोमध्ये दिसते. विशेष म्हणजे इतकी लहान असूनही ही मुलगी अजिबात न घाबरता या झाडावर अवघ्या ५ मिनीटात ही चिमुकली चढते आणि नारळ काढून घेत खालीही उतरते.

या चिमुकलीचे नाव, वय, याबाबत कोणतीही माहिती मिळाली नसली तरीही तिच्यातील धैर्य खऱ्या अर्थाने कौतुकास्पद आहे. तसेच कोणत्याही संरक्षणाशिवाय ती हे करत असल्याने काही काळासाठी आपणही हा व्हिडीयो पाहून थक्क होतो. तिच्या या व्हिडीयोला मल्ल्याळी भाषेत कॅप्शन देण्यात आले आहे. यामध्ये ‘भगवान, येणाऱ्या दोन महिन्यांमध्ये आम्हाला काय काय पहायला लागणार आहे?’ असा प्रश्न विचारला आहे. शालेय परीक्षा संपून मुलांना उन्हाळ्याच्या सुट्ट्या लागल्याने ही चिंता व्यक्त करण्यात येत आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 4, 2018 6:04 pm

Web Title: video viral of girl climbing on coconut tree without protection
Next Stories
1 माजी आमदाराच्या मुलीला पॉर्न दाखवून बाप-मुलाचा बलात्कार
2 ऐकावं ते नवलच : बिझी मुलांशी बोलण्यासाठी वडिलांनी काढला युट्यूब चॅनेल
3 “पाकड्यांनो जरा भारतीयांकडून बोध घ्या” – दुबईचे लेफ्टनंट जनरल
Just Now!
X