भारतामध्ये दसऱ्याच्या सणाला विशेष महत्व आहे. एक दिवस आधीपासूनच देशभरात दसऱ्याची तयारी सुरु असते. रविवारी दसरा असल्यामुळे रावण दहनासाठी देशभरात तयारी सुरु आहे. करोना विषाणूच्या पार्श्वभूमीमुळे सर्व काळजी घेत सण उत्साहात साजरा केला जाणार आहे. अशातच सध्या सोशल मीडियावर रावणाच्या पुतळ्याचा एक व्हिडीओ व्हायरल झाला आहे. या व्हायरल व्हिडीओमध्ये दसऱ्याआधी रावण अ‍ॅम्ब्युलन्सवर जाताना दिसत आहे.

व्हिडीओ IFS ऑफिसर सुशांत नंदा यांनी आपल्या ट्विटरवर पोस्ट केला आहे. व्हिडीओ पोस्ट करताना सुशांत नंदा यांनी, अ‍ॅम्ब्युलन्सवर बसून रावणही कोव्हिड-19 रुग्णालयात जात आहे, असे कॅप्शन दिले आहे.

हा व्हिडीओ पाहिल्यानंतर लोकांनी आश्चर्य व्यक्त केलं आहे. तर, काही लोकांना 2020मध्ये आता हेच शिल्लक होतं अशी प्रतिक्रिया दिली आहे.