मुंबईतील वर्दळीच्या रस्त्यांपैकी एक असलेल्या पेडर रोडवर शनिवारी संध्याकाळी एक वेगळाच 'राडा' पाहायला मिळाला. एका महिलेने या रस्त्यावर चांगलाच गोंधळ घातला. स्वतःच्या पतीला दुसऱ्या महिलेसोबत बघितल्यानंतर या महिलेने रस्त्यावर गोंधळ घालायला सुरूवात केली. भररस्त्यात सुरू असलेल्या गोंधळामुळे वाहनांच्याही रांगा लागल्या होत्या. या घटनेचा व्हिडीओ सध्या सोशल मीडियावर चांगलाच व्हायरल होत आहे. शनिवारी संध्याकाळी साडेचार ते पाच वाजण्याच्या सुमारास एक तीस वर्षीय व्यक्ती काळ्या रंगाच्या रेंज रोव्हर कारमधून एका महिलेसोबत जात होता. ते पेडर रोडवर पोहोचल्यानंतर पांढऱ्या कारमधून त्यांचा पाठलाग करणारी त्या व्यक्तीची पत्नी त्याला गाडी थांबवायला भाग पाडते. त्याची पत्नी थेट रेंज रोव्हरच्या समोर जाऊन उभी राहते आणि जोरजोरात गोंधळ घालायला सुरूवात करते. पती गाडीचा दरवाजा उघडत नाही त्यामुळे खिडकीतून पतीला मारहाण करण्याचाही ती प्रयत्न करताना या व्हिडिओमध्ये दिसतंय. शेवटी ही महिला थेट गाडीच्या बोनटवर चढून कारच्या काचेवर बूट मारायला सुरूवात करते. बाजूलाच उभे असलेल्या ट्रॅफिक पोलिसांचांही ही महिला ऐकत नाही. अखेर पती कारच्या बाहेर येतो, मग त्याला ही महिला लाथांनी मारहाण करते. नंतर दोघं पांढऱ्या कारमध्ये बसतात. पण थोड्याचवेळात त्याची पत्नी पु्न्हा गाडीतून उतरुन पळत जात दुसऱ्या कारमध्ये बसलेल्या महिलेला मारहाण करते. अखेर पोलिस मध्यस्थी करुन त्या महिलेची सुटका करतात. It seems a husband is with some other female in the car. Caught by wife, at Peddar Road. #yehtohgaya pic.twitter.com/hVa2XA52lY — whiskeylovin’pundit (@theteefactory) July 12, 2020 Part 2: Peddar Road, Mumbai Wife creates a scene and traffic jam as she caught her husband in the car with their neighbor pic.twitter.com/kjzV74rTVa — Bade Adhikari (@badeAdhikari) July 12, 2020 दरम्यान, या घटनेनंतर ट्रॅफिक पोलिस दोन्ही गाड्या आणि त्या दाम्पत्याला घेऊन गावदेवी पोलीस ठाण्यात पोहोचले. पण त्यांनी तक्रार करण्यास नकार दिल्याची माहिती पोलिसांनी दिली. तर, महिलेवर रस्त्यावर अडथळा निर्माण करुन ट्रॅफिक जॅम केल्याबद्दल चलान आकारण्यात आलं आहे.