20 October 2020

News Flash

VIDEO : गावकऱ्यांनी पिल्लाला वाचवल्यानंतर हत्तीणीनं पाहा काय केलं

प्राण्यांकडूनही बरंच काही शिकण्यासारखं आहे

हत्तीच्या कळपातील एक लहानसं पिल्लू नदी ओलांडताना दलदलीत अडकलं होतं.

प्राण्यांकडूनही कधी कधी बरंच काही शिकण्यासारखं असतं. भलेही मानव आणि प्राणी यांच्यातला संघर्ष कायम असला तरी कधीकधी प्राण्याचं वागणं हे खरंच अनुकरण करण्यासारखं असतं. केरळमधला हा व्हिडिओच पाहा ना.. केरळ, पश्चिम बंगाल भागातील जंगलात हत्ती मोठ्या संख्येने आहेत. त्यामुळे हत्ती आणि मानवामध्ये अनेकदा संघर्ष पाहायला मिळतात. पण, आपल्या पिल्लाला माणसांनी वाचवण्यासाठी धडपड केलेली पाहून हत्तीच्या कळपानं चक्क सोंड उंचावून एकत्र गावकऱ्यांना अभिवादन केलं. याचा व्हिडिओ सोशल मीडियावर व्हायरल होत आहे.

यूट्युबवर महिन्याला कमावतो ७ लाख रुपये

VIDEO : ताडोबातील वाघाने मजूरांच्या जेवणाचा डबा पळवला

हत्तीच्या कळपातील एक लहानसं पिल्लू नदी पार करताना दलदलीत अडकलं. कळपानं या पिल्लाला रात्रभर वाचवण्याचा प्रयत्न केला पण पिल्लाला बाहेर काढण्यात त्यांना यश आलं नाही. दुसऱ्या दिवशी वनविभागाचे अधिकारी तेथे आले. त्यांनी गावकऱ्यांच्या मदतीनं तासभर खटपट करून त्यांनी या पिल्लाला बाहेर काढलं. आपल्या पिल्लाला वाचवण्यासाठी गावकऱ्यांनी केलेली खटपट पाहून कृतज्ञता व्यक्त करण्यासाठी हत्तीच्या कळपाने सोंड वर उंचावून चित्कार केला आणि ते जंगलात निघून गेले. मुक्या प्राण्यांनी व्यक्त केलेली ही कृतज्ञता पाहून गावकरीही हरखून गेले. हा व्हिडिओ सध्या युट्यूब, फेसबुकवर चांगलाच गाजतोय. आतापर्यंत अडीच लाखांहून अधिक लोकांनी हा व्हिडिओ पाहिला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 9, 2017 10:44 am

Web Title: watch what the mother elephant did after it was reunited with her baby
Next Stories
1 भारतातील पहिल्या महिला फोटो जर्नलिस्ट होमी व्यारवाला यांना डुडलची मानवंदना
2 विहीरीत दारू ओतल्याने अख्ख गाव टल्ली!
3 VIDEO : ताडोबातील वाघाने मजूरांच्या जेवणाचा डबा पळवला
Just Now!
X