भावंडामधील नातं हे अतिशय सुंदर गोष्ट असते. ते एकमेकांवर जीवपाड प्रेम करतात, एकमेकांना जीवापाड जपतात, सर्व गुपीतं एकमेकांस सांगतात व एकमेकांशी भांडतात देखील. बहीण व भावाच्या नात्याच्या असाच एक व्हिडिओ सध्या सोशल मीडियावर तुफान व्हायरल होत आहे. या व्हिडिओतील एक छोटी मुलगी तिच्या आईला समजावत आहे की, तिने तिच्या भावाला का मारलं. ही चिमुकली ज्या प्रमाणे आईसमोर आपले मुद्दे मांडून आईला ते पटवून देण्याचा प्रयत्न करत आहे, ते पाहून प्रत्येकास हसू फुटत आहे.

हा व्हिडिओ राहशीम या व्यक्तीने ट्विटरवर शेअर केला आहे. ५३ सेंकदाच्या या व्हिडिओत सुरूवातीस स्क्रीनवर लिहिले आहे की, तिने तिच्या भावाला का मारलं हे ती सांगण्याचा प्रयत्न करत आहे. नंतर या व्हिडिओतील छोटी मुलगी तिच्या चिडलेल्या आईला शांत करण्यासाठी म्हणते की, ‘आई, मला मारू नकोस ठीक आहे. असे सांगताना ती दोन्ही हात वर करते. त्यानंतर ती आईला समजवण्याचा प्रयत्न करू लागते की, नेमकं तिने तिच्या भावाला का मारलं जे पाहताना कोणालाही हसू आवरणं कठीण होतं.

ती पुढे म्हणते. आई रागावू नकोस, मलाचीने मला मारलं आणि त्यानंतर मी त्याला मारायला सुरूवात केली. कारण, तो मला एकटं सोडत नव्हता. मला एकटं राहयचं होत.

सोशल मीडियावर व्हायरल होत असलेल्या या व्हिडओवर भन्नाट कमेंट येत आहेत. अनेकांना हा व्हिडिओ खूप आवडला आहे. हजारो जणांनी हा व्हिडिओ पाहिल्याचे दिसून आले आहे. शिवाय, अनेकांनी यावर मजेशीर प्रतिक्रिया देखील नोंदवल्या आहेत.

एका जणाने या मुलीचा व्हिडिओ पाहून व तिची आईला समजवण्याची पद्धत पाहून, ही मुलगी भविष्यात मोठी वकील बनेल असं देखील म्हटलं आहे.