योगगुरु रामदेवबाबा हे हत्तीवर योगासनं करत होते. त्यानंतर काही वेळातच ते हत्तीवरुन खाली पडले. यासंदर्भातला त्यांचा व्हिडीओ ट्विटरवर चांगलाच व्हायरल होतो आहे. रामदेवबाबा खाली पडले पण त्यांना कोणतीही इजा झाली नाही. हा व्हिडीओ सोमवारचा आहे असं सांगितलं जातं आहे. तसंच मथुरा येथील रमणरेती या ठिकाणचा हा व्हिडीओ आहे. रामदेवबाबा योगाभ्यास शिकवत होते. त्यावेळी अचानक ते हत्तीवरुन खाली पडले. त्यांचा हा व्हिडीओ ट्विटरवर व्हायरल होतो आहे.

हत्तीवर बसून बाबा रामदेव योगासनातले एक आसन शिकवत होते. त्यांचा हा व्हिडीओ मंगळवारी चांगलाच व्हायरल झाला आहे. हा व्हिडीओ साधारण २२ सेकंदांचा आहे. ज्यामध्ये हत्तीवर बसून बाबा रामदेव योगासनं करत आहेत. मात्र अचानक हत्ती हलला. त्यामुळे रामदेव बाबांचा तोल गेला आणि ते खाली पडले. मात्र या घटनेत त्यांना कोणतीही दुखापत झाली नाही. ते पडल्यानंतर काही लोक हसले त्याचा आवाजही व्हिडीओत येतो आहे.

दरम्यान या कार्यक्रमात बाबा रामदेव यांनी योगासनांमुळे काय काय फायदे होतात याची माहिती दिली. तसंच अनुलोम व विलोम आणि इतर योगांविषयीही माहिती दिली. योग केल्याने कठीणातले कठीण आजार नाहीसे होतात. लोकांनी रोज सकाळी किंवा संध्याकाळी योगासनं करायला हवीत असंही वक्तव्य त्यांनी केलं.