जगात अशी कोणतीही व्यक्ती नाही जो आपल्याला पैसे नको असं म्हणेल. अशाच एका तरूणाला एक मोठी लॉटरीच लागली आहे. काम न करता त्या तरूणाला आता महिन्याला आठ लाखांपेक्षा अधिकची रक्कम मिळणार आहे. ते एखाद महिन्यासाठी वगैरे नाही, तर तब्बल 30 वर्षांसाठी. अशाप्रकारची लॉटरी जिंकणारा तो एकमेव तरूण आहे. डीन असे त्या तरूणाचे नाव असून तो ब्रिटनचा रहिवासी आहे. डीनला दर महिन्याला तब्बल 8.6 लाख रूपये दर महिन्याला मिळणार आहेत. लॉटरी जिंकल्यानंतर त्यानेदेखील आपले अनेक प्लॅन सांगितले आहेत. तसंच त्याने आता आपण सुट्टी एन्जॉय करणार असल्याचं सांगत काही पैशांनी आपल्या भावाला मदत करणार असल्याचं सांगितलं. 30 जुलै रोजीच डीनला आपल्याला लॉटरी लागल्याची माहिती मिळाली. त्यादरम्यान तो ऑफिसमध्ये काम करत होता. तसंच आपल्याला एका दिवसापूर्वीच लॉटरी लागली आहे, याची कल्पनादेखील त्या नव्हती. ब्रिटनमधील पीटरबोरोघ येथे राहणाऱ्या डीनने आयर्लंडमधून व्हिडीओ आणि फिल्मचं शिक्षण घेतलं आहे. तसेच आतापर्यंत तो अॅमेझॉनसोबत काम करत होता. परंतु आता आपण अधिक क्रिएटिव्ह काम करू शकतो, असे तो म्हणाला. तसेच आपली आर्थिक स्थिती आता उत्तम होणार असून आपली स्वप्नही पूर्ण करू शकतो, असेही तो म्हणाला. विद्यापीठात शिक्षण घेत असतानाच त्याने एक डॉक्युमेंट्रीही तयार केली होती. ती डॉक्युमेंट्री मोठ्या प्रमाणात व्हायरल झाली होती. त्यानंतर त्यानं स्क्रिप्ट रायटर म्हणून केलं होतं.
