पाकिस्तानी क्रिकेटपटू शोएब मलिक आणि भारतीय टेनिसपटू सानिया मिर्झा यांच्या संसारात मिठाचा खडा पडल्याची बातमी मागील काही दिवसांपासून चर्चेत आहे. २०१० साली लग्नबंधनात अडकलेल्या सानिया आणि शोएबने वेगळं होण्याचा निर्णय घेतल्याच्या बातम्याही समोर आल्या आहेत. मात्र या बातम्यांवर अधिकृत शिक्कामोर्तब झालेलं नाही. असं असतानाच या दोघांमधील वादाच्या केंद्रस्थानी पाकिस्तानी अभिनेत्री आयशा ओमार असल्याच्या बातम्याही पाकिस्तानी प्रसारमाध्यमांनी दिल्या आहेत. मागील काही दिवसांपासून आयशाबद्दल उलट सुलट बातम्यांचं पेव फुटलेलं असतानाच शोएब आणि सानियाच्या नात्यामध्ये आयशामुळे कटुता आल्याच्या मुद्द्यावर तिनेच प्रतिक्रिया नोंदवली आहे.

या बातमीसह सर्व प्रीमियम कंटेंट वाचण्यासाठी साइन-इन करा

शोएबबरोबर तुझं काही नातं आहे का यासंदर्भात चाहत्यांनी सोशल मीडियावरुन आयशाला प्रश्न विचारला असता तिने या सर्व अफवा असल्याचं म्हटलं आहे. आम्ही फक्त मित्र आहोत, असंही आयशाने सांगितलं. आयशा आणि शोएबचं बोल्ड फोटोशूट सानियाबरोबरच्या नात्यामध्ये फूट पाडण्यासाठी कारणीभूत ठरल्याची चर्चा आहे. २०२१ मध्येच हे फोटोशूट झालं होतं. या फोटोशूटमधील फोटो सार्वजनिकपणे समोर आल्यानंतर त्यावरुन शोएब आणि सानियामध्ये मतभेद निर्माण झाल्याची चर्चा आहे. या फोटोशूटबद्दल एका मुलाखतीमध्ये शोएबने आयशाचं कौतुक केलं होतं. तिने या फोटोशूटसाठी मला फार मदत केल्याचं शोएबनं सांगितलं होतं.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Ayesha omar reacts to queries about marrying sania mirza beau cricketer shoaib malik scsg
First published on: 30-11-2022 at 10:58 IST