जेव्हा तज्ञ सूचित करतात की मोबाईल डिव्हाइसेस आणि गॅझेट लॉक केले पाहिजेत किंवा लहान मुलांपासून दूर ठेवावेत, तेव्हा याचा अर्थ फक्त मुलांना फोनपासून लांब ठेवण हे कारण नसते. लहान मुलाच्या हातात मोबाइल किंवा इतर कोणतेही इंटरनेट-सक्षम डिव्हाइस असल्यामुळे अनेक अपरिवर्तनीय गोष्टी होऊ शकतात. नक्की काय झालं? तुम्ही तुमचा फोन नेहमी लॉक का ठेवावा किंवा तो तुमच्या मुलांपासून लांब का ठेवावा याचे न्यू जर्सी येथील हे एक उत्तम उदाहरण आहे. केवळ २२ महिन्यांचा अयांश कुमारने डॉलर २,००० अर्थात १,४ लाख किमतीचे फर्निचर ऑनलाइन ऑर्डर केले. अयांशची आई मधु हिने तिच्या फोनवर वॉलमार्टची वेबसाइट ब्राउझ केल्यानंतर तिच्या शॉपिंग कार्टमध्ये बरेच प्रोडक्ट्स ठेवले होते तेव्हा चुकून खरेदी झाली. (हे ही वाचा: Astrology: ‘या’ ४ राशींच्या लोकांसाठी सोन्याची अंगठी असते खूप फायदेशीर!) तिच्या नवीन घरासाठी फक्त काही वस्तू घ्यायच्या होत्या. परंतु तिच्या मुलाचे आभार,त्याने कार्टमधील सर्व मोठ्या वस्तू एका ऑनलाइन खरेदी केल्या. "त्याने हे केले आहे यावर विश्वास ठेवणे खरोखर कठीण आहे, परंतु असेच घडले," अयांशचे वडील प्रमोद कुमार म्हणाले. (हे ही वाचा: Video: फक्त एका रुमालाने केली स्कूटीची चोरी; चोराची हटके पद्धत पाहून नेटीझन्स चक्रावले) नवीन फर्निचरचे बॉक्स एकामागून एक बॉक्स त्यांच्या पत्त्यावर पोहोचू लागल्याने पालक आश्चर्यचकित झाले. काही पॅकेजेस इतके मोठे होते की ते दरवाजातून बसत नव्हते. जेव्हा आईने तिचे वॉलमार्ट खाते तपासले तेव्हा तिला कळले की तिच्या मुलाने खुर्च्या, फ्लॉवर स्टँड आणि त्यांना आवश्यक नसलेल्या इतर अनेक गोष्टींची ऑर्डर दिली आहे. (हे ही वाचा: NASA ने शेअर केले Solar Flares चे अप्रतिम दृश्य; पाहा मंत्रमुग्ध करणारा व्हिडीओ) "तो खूप लहान आहे, तो खूप गोंडस आहे, आम्ही हसत होतो की त्याने हे सर्व सामान ऑर्डर केले," मधु म्हणाली. NBC च्या अहवालानुसार, स्क्रीन-जाणकार मूल त्याचे पालक आणि मोठ्या भावंडांकडे बारीक लक्ष देत होते, जे सर्व ऑनलाइन गोष्टी ब्राउझ करण्यासाठी फोन वापरतात.प्रमोद म्हणाले की ते येथून पुढे त्यांच्या डिव्हाइसवर पासकोड आणि फेस लॉक वापरण्यास सुरुवात करतील.
