23 year old indian boy vatsal nahata gets job offer at world bank where to apply for job online | Loksatta

23 वर्षीय भारतीय तरुणाला जागतिक बँकेत नोकरीची ऑफर; ना ऑनलाईन अर्ज ना वशिला उलट ‘हा’ मार्ग निवडला

Job At World Bank: दिल्लीच्या श्री राम कॉलेज ऑफ कॉमर्स (SRCC) मधून वत्सलने अर्थशास्त्र पदवी प्राप्त केली आहे.

23 वर्षीय भारतीय तरुणाला जागतिक बँकेत नोकरीची ऑफर; ना ऑनलाईन अर्ज ना वशिला उलट ‘हा’ मार्ग निवडला
23 वर्षीय भारतीय तरुणाला जागतिक बँकेतुन नोकरीची ऑफर

Job At World Bank: अपेक्षा कधीच सोडू नये कारण तुमच्या ध्येयासाठी केलेली मेहनत व घेतलेले कष्ट कधीच वाया जात नाहीत. वत्सल नाहाटा या २३ वर्षीय मुलाने या वाक्याची खरोखरच प्रचिती येईल असे काम केले आहे. येल युनिव्हर्सिटीचा पदवीधर जागतिक बँकेत त्याच्या स्वप्नातील नोकरीसाठी प्रयत्न करत राहिला आणि ६०० ईमेल आणि ८० फोन कॉल्सनंतर अखेरीस त्याने आपल्या स्वप्नाला गवसणी घातली आहे. वत्सलने आपला अनुभव लिंक्डइनवर पोस्ट करून याबाबत माहिती दिली. आतापर्यंत १५,००० हून अधिक लोकांनी त्याला लाईक केले आहे. तर या पोस्टला १०० हुन अधिक व्यक्तींनी शेअर केले आहे.

२०२० मध्ये कोविड-१९ दरम्यान या वत्सलचा प्रेरणादायी प्रवास सुरू झाला. तेव्हा तो प्रतिष्ठित विद्यापीठातील पदवी पूर्ण करणार होता. यावेळी जागतिक बँकेतून कर्मचाऱ्यांना कामावरून काढून टाकण्याची तयारी सुरु होती मात्र अशा परिस्थितीत त्याने नोकरीसाठी अर्ज केला होता.

“येल विद्यापीठात शिक्षण घेताना माझ्याकडे नोकरी नव्हती अशात मी २ महिन्यांत पदवीधर होणार होतो. नोकरी नसल्याने अनेकदा आपण इथे का आलो आहोत असाही प्रश्न मनात येऊन गेला . आई-वडिलांनी फोन करून विचारपूस केल्यावर त्यांना उत्तर देता येत नव्हते. पण आपला पहिला पगार हा डॉलर्समध्येच मिळवायचा असे ध्येय मी मनाशी ठेवले होते त्यानुसार मी नेटवर्किंगच्या बळावर नोकरी शोधू लागलो. विशेष म्हणजे या पूर्ण प्रवासात जॉब पोर्टल्सवर नोकरीचा अर्ज करणे मी पूर्णपणे टाळले होते.

दोन महिन्यांत त्याने लिंक्डइनवर १५०० कनेक्शन विनंत्या पाठवल्या, ६०० कोल्ड-ईमेल लिहिले, ८० विचित्र कोल्ड-कॉल्स केले आणि कितीतरी नकार त्याने पचवले. याकाळात २०१० च्या ‘द सोशल नेटवर्क’ चित्रपटातील ‘द जेंटल हम ऑफ एन्झाईटी’ हे त्याने यूट्यूबवर सर्वाधिक ऐकलेले गाणे ठरले.

मे महिन्याच्या पहिल्या आठवड्यात त्याला ४ जॉब ऑफर केल्या गेल्या. यामध्ये जागतिक बँकेची निवड केली. नोकरी ऑफर केल्यानंतर त्यांनी माझा व्हिसाचा खर्च सुद्धा करण्यास तयारी दर्शवली. जागतिक बँकेच्या सध्याच्या संशोधन संचालकांनी मशिन लर्निंग पेपरचे सह-लेखन करण्याची ऑफरही दिली आहे असे वत्सलने सांगितले.

दिल्लीच्या श्री राम कॉलेज ऑफ कॉमर्स (SRCC) मधून वत्सलने अर्थशास्त्र पदवी प्राप्त केली आहे. या एकूण प्रवासात त्याने नेटवर्किंगची शक्ती अधोरेखित केली आहे. आता मी कोणत्याही परिस्थितीत टिकून राहू शकतो हा आत्मविश्वास आपण मिळवला. “तुम्ही अशाच गोष्टीतून जात असाल जिथे संपलंय असे वाटत असेल तर पुढे जा. तुम्ही तुमच्या चुकांमधून शिकत राहा तुमच्या प्रयत्नांना यश नक्की मिळेल असेही वत्सलने सांगितले आहे.

मराठीतील सर्व ट्रेंडिंग ( Trending ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
तेव्हा आम्हालाही असाच आनंद होतो.. झोमॅटोने शेअर केलेल्या व्हिडिओवर नेटकऱ्यांच्या भन्नाट प्रतिक्रिया, तुम्हीही पोट धरून हसाल

संबंधित बातम्या

भरधाव वेगानं जाणाऱ्या एक्स्प्रेससमोर आला हत्तींचा कळप, रात्रीच्या वेळी लोको पायलटने कमालच केली, पाहा Viral Video
Video: लोकलच्या गर्दीत ‘ती’ बाई हट्ट धरून बसली; रेल्वेचालक खाली उतरला अन म्हणाला, “आधी चल.. “
हुशार कुत्रा! जेवण मिळवण्यासाठी मित्राला कसा चकमा दिला एकदा पाहाच
लिफ्ट बंद पडताच त्यात तीन लहान मुली अडकल्या अन्…; Viral Video ने वाढवली पालकांची चिंता
कर्म तैसे फळ! मोराच्या अंड्यांची चोरी करायला गेलेल्या चोराला घडली जन्माची अद्दल; पाहा Viral Video

व्हिडिओ

ताज्या बातम्या
Viral Video: मगर आली आणि चिमुकल्याला घेऊन गेली, हतबल वडिलांनी डोळ्यादेखत पाहिला मुलाचा दुर्दैवी अंत
‘चला कर्नाटक पाहू’ नागपूर विमानस्थळाबाहेरील बॅनर्स शिवसैनिकांनी फाडले; ठाकरे गट आक्रमक
सिद्धू मुसेवाला हत्येप्रकरणी दिलजीत दोसांझचं मोठं विधान; म्हणाला “सरकारचा नालायकपणा…”
Video: ‘या’ पक्षाची हिंमत तर बघा, चक्क मधमाश्यांच्या पोळ्यावर केला हल्ला अन् तितक्यात…
अमरेंद्र भास्कर बालकुमार साहित्य संस्थेच्या अध्यक्षपदी राजन लाखे यांची निवड; प्रक्रिया न राबविता घोषणा केल्याचा आरोप