Viral Video : एखादी वस्तू किंवा सेवांचे महत्त्व आणि माहिती देण्यासाठी जाहिरात ही अत्यंत महत्त्वाची भूमिका पार पाडते. हल्ली नवनवीन जाहिराती पाहायला मिळतात. टीव्ही, वृत्तपत्रे किंवा मोठमोठ्या होर्डिंगवर आपण दररोज हजारो जाहिराती बघतो. काही जाहिराती इतक्या क्रिएटिव्ह असतात की पाहून कोणीही थक्क होऊ शकतो.
सध्या देशभरात गणेशोत्सव सुरू आहे. याच निमित्ताने गणपती बाप्पांसंबंधित अनेक जाहिराती जागोजागी दिसून येत आहेत. अशाच एका जाहिरातीने सर्वांचे लक्ष वेधले आहे. या जाहिरातीमध्ये शंभर पंख्यांचा उपयोग करून चक्क गणपती साकारला आहे. तुम्हाला विश्वास बसणार नाही, पण हे खरंय. या जाहिरातीचा व्हिडीओ सध्या चांगलाच व्हायरल होत आहे.
या व्हायरल व्हिडीओमध्ये तुम्हाला रस्त्यावरील एक होर्डिंग दिसेल. या होर्डिंगवर हॅवेल्स (havells) या सीलिंग फॅन कंपनीची जाहिरात लावली आहे. या कंपनीने क्रिएटिव्हिटी दाखवत शंभर पंख्यांचा वापर करून गणपती बाप्पा साकारला आहे. विशेष म्हणजे होर्डिंगवर हे शंभर पंखे फिरताना दिसत आहेत. या होर्डिंगचा व्हिडीओ पाहून तुम्हीही आश्चर्य व्यक्त कराल. सध्या या जाहिरातीच्या व्हिडीओची चांगलीच चर्चा सुरू आहे.
हेही वाचा : पौष्टिक अडई डोसा खाल्ला का? ही सोपी रेसिपी लगेच नोट करा अन् घरीच झटपट बनवा
confused.aatma या इन्स्टाग्राम अकाउंटवरुन हा व्हिडीओ शेअर करण्यात आला असून या व्हिडीओवर अनेक युजर्सनी प्रतिक्रिया दिल्या आहेत.
एका युजरने लिहिलेय, “मार्केटिंगसाठी चक्क देवाचा वापर केलाय” तर एका युजरने लिहिले, “क्रिएटिव्ह टीमला १०० टक्के बोनस मिळणार” आणखी एका युजरने लिहिलेय, “वाह.. याला म्हणतात जाहिरात”
