Premium

शेवटी आई ती आईच..! बाळाला वाचवण्यासाठी म्हशीने स्वतःचा जीव लावला पणाला, एकटी सिंहांच्या कळपाला भिडली पण…

सध्या सोशल मीडियावर सिंहाच्या कळपाशी भिडलेल्या एका म्हशीचा व्हिडीओ मोठ्या प्रमामात व्हायरल होत आहे.

mother buffalo sacrifice viral video
बाळाला वाचवण्यासाठी म्हशीने स्वतःचा जीव लावला पणाला. (Photo : Youtube)

आईला जगातील सर्वात मोठी योद्धा म्हणतात. कारण आपल्या मुलांवरती कोणतंही आणि कितीही मोठं संकट आलं तरीही त्यांच्या रक्षणासाठी ती आपला जीव पणाला लावते. आईच्या प्रेमाच्या आणि समर्पणाच्या अनेक गोष्टी तुम्ही ऐकल्या आणि पाहिल्या असतील. शिवाय आई ही आई असते मग ती प्राण्यांची असो वा माणसाची. कारण प्राणी देखील आपल्या मुलांवर जीपापाड प्रेम करतात आणि शेवटपर्यंत त्यांचे संरक्षण करतात. प्रसंगी स्वतःचा जीव धोक्यात घालत मुलांचा जीव वाचवतात. सध्या असाच एक व्हिडीओ सोशल मीडियावर व्हायरल होत आहे. एका म्हशीने आपल्या बाळाचा जीव वाचवण्यासाठी स्वत:चा जीव धोक्यात घातल्याचं पाहायला मिळत आहे.

या बातमीसह सर्व प्रीमियम कंटेंट वाचण्यासाठी साइन-इन करा

हा व्हायरल व्हिडिओ दक्षिण आफ्रिकेतील थॉर्नीबश गेम रिझर्व्हमधील आहे. या व्हिडीओत झाडाखाली बसलेल्या सिंहाना म्हशींचा कळप दिसतो. यावेळी सिंह आणि म्हशींचा कळप यांच्यात तणावाचे वातावरण निर्माण झाल्याचं व्हिडीओत दिसत आहे. यावेळी परिस्थिती चिघळणार असल्याचं लक्षात येताच एक म्हैस इतर म्हशींच्या आणि रेडकूला वाचवण्यासाठी सिंहाच्या कळपाला भिडताना दिसत आहे. यावेळी संतापलेला सिंहाचा कळप थेट म्हशीवर हल्ला करतात. या हल्ल्यात सुरुवातीला म्हैस तिथून पळून जाण्याचा प्रयत्न करते पण सर्व सिंहानी एकत्र हल्ला केल्यामुळे तिला त्यांच्या तावडीतून बाहेर पडणं अशक्य होतं. तरीही ती निर्भयपणे सिंहाच्या कळपाशी झुंज देताना दिसत आहे. पण यावेळी इतर म्हशी तिच्या मदतीला न आल्यामुळे अखेर तिचा दुर्देवी अंत झाल्याचंही व्हिडीओत दिसत आहे.

‘लेटेस्ट साइटिंग्ज’ या YouTube चॅनलने म्हशीच्या आणि सिंहाच्या कळपाच्या भांडणाचा थरारक व्हिडीओ अपलोड केला आहे. हा व्हिडिओ शेअर करताना कॅप्शनमध्ये लिहिलं आहे, “म्हैस आईने आपल्या बाळाला सिंहांपासून वाचवण्यासाठी स्वतःचा बळी दिला.” काही दिवसांपूर्वी अपलोड केलेला हा व्हिडिओ मोठ्या प्रमाणात पाहिला जात आहे. शिवाय अनेकजण या व्हिडीओ प्रतिक्रिया देताना दिसत आहेत. अनेकांनी आपल्या बाळाला वाचवण्यासाठी जीव पणाला लावणाऱ्या शूर आईचे कौतुक केलं आहे, तसेच तिचा दुर्दैवी अंत झाल्याबद्दल ते दु:खही व्यक्त केलं आहे.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: A buffalo risked its own life to save the baby facing a herd of lions alone terrible video goes viral jap

First published on: 21-09-2023 at 15:13 IST
Next Story
Video: “मेरी उमर के बेरोजगारो..जाति-धरम के चष्मे उतारो”, सोशल मीडियावर गाण्याचा धुमाकूळ!