रतन टाटांच्या प्रत्येक कृतीतून आपण समाजासाठी काहीतरी देणं लागतो याची जाणीव होते. अशातच रतन टाटांच्या आणखी एका कृतीने आता नेटकऱ्यांचे मन जिंकले आहे. रतन टाटांच्या मालकीच्या मुंबईतील सर्वात आलिशान ताज हॉटेलमध्ये गेल्यास सगळं सुंदर, भव्य, आरामदायी असे दृश्य दिसते. पण, ताज हॉटेलशी संबंधित एक वेगळं दृश्य आता पाहायला मिळत आहे. फाइव्ह स्टार हॉटेलच्या दरवाजासमोर निवांत झोपलेल्या श्वानाचा एक फोटो सध्या सोशल मीडियावर व्हायरल होत आहे, जो त्याच हॉटेलमध्ये वास्तव्यास असलेल्या एका रुबी खान नावाच्या महिलेने सोशल मीडियावर पोस्ट केला आहे. या फोटोवरून त्यांनी रतन टाटांसंबंधित एक सुंदर गोष्ट सांगितली आहे.

मुंबईतील आलिशान ताज हॉटेलच्या आवारात एक भटका श्वान झोपलेला दिसला, ज्याला पाहून रुबी खान थोड्या अवाक् झाल्या; कारण इतक्या मोठ्या हॉटेलमध्ये अनेक बडे सेलिब्रिटी, राजकीय नेते येतात; अशा ठिकाणी एका भटक्या श्वानाचे वावरणे थोडे दिसताना वेगळे वाटत होते. मात्र, रतन टाटा यांनीच हॉटेलच्या आवारात येणाऱ्या प्राण्यांशी चांगले वागण्याच्या सक्त सूचना दिल्याचे कर्मचाऱ्यांनी सांगितले, जे ऐकताच रुबी खानही अवाक् झाल्या. यानंतर त्यांनीही रतन टाटा यांच्यातील महानतेची प्रशंसा केली.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: A dog sleeping at taj hotel share ratan tata love animal ratan tatas strict instructions dog sleeps peacefully inside taj mahal hotel sjr
First published on: 30-05-2024 at 15:13 IST