सोशल मीडियावर सतत नवनवीन व्हिडीओ व्हायरल होत असतात. त्यामध्ये कधी डान्स तर कधी कॉमेडी व्हिडीओचा समावेश असतो. अनेकांना सोशल मीडियावरील ट्रेंड फॉलो करण्याची सवय असते. शिवाय लोकांना अशा ट्रेंडची इतकी भुरळ पडली आहे की, अनेकजण ते फॉलो करण्याच्या नादात स्वत:ती फजितीही करुन घेतात. सध्या अशाच एका मुलीचा , ‘पतली कमरिया मोरी आय… हाय… हाय…तिरछी नजरिया बोले हाय… हाय…’ या गाण्यावर डान्स करतानाचा व्हिडीओ व्हायरल होत आहे. ज्यामध्ये मुलीची चांगली फजिती झाल्याचं पाहायला मिळत आहे. तुम्ही जर सोशल मीडियावर अॅक्टिव्ह असाल तर तुम्हाला ‘पतली कमरिया मोरी, हाय हाय हाय’ या भोजपुरी गाण्याने इंटरनेटवर किती धुमाकूळ घातला हे सांगायला नको. मागील अनेक दिवसांपासून या गाण्याचा ट्रेंड सुरु असून तो अजूनही थांबण्याचे नाव घेत नाहीये. अशातच आता या गाण्यावर डान्स करणाऱ्या एका मुलीचा व्हिडीओ व्हायरल होत आहे. हेही पाहा- Video: उड्डाणपुलावर उभा राहून ‘तो’ उधळत होता पैसे; त्यानंतर जमलेल्या लोकांनी काय केलं ते एकदा पाहाच व्हिडीओमध्ये एक मुलगी टेम्पोवर चढून रिल बनवायला सुरुवात करत असल्याचं दिसत आहे. एक व्यक्ती ती डान्स करतानाचा व्हिडीओ रेकॉर्ड करत आहे. ती मुलगी डान्स करायला सुरुवात करते आणि डान्स करता करता अचानक टेम्पोतून रस्त्यावर पडते. व्हिडीओमध्ये ती खूप जोरात पडल्याचं जाणवत आहे. त्यामुळे या मुलीला रील बनवणं महागात पडल्याचं नेटकरी म्हणत आहेत. हेही पाहा- ‘या’ रीलमुळे पोलिसांनी तरुणीला ठोठावला १७ हजारांचा दंड; पोलीस म्हणाले, “Viral Video पाहून…” ‘पतली कमरिया मोरी, या गाण्यावर रील बनवताना टेम्पोतून खाली पडलेल्या या तरुणीचा व्हिडिओ इन्स्टाग्रामवर शेअर करण्यात आला आहे, जो सध्या सोशल मीडियावर मोठ्या प्रमाणात व्हायरल होत आहे. तर अनेकजण हा व्हिडीओ आश्चर्यचकित झाले आहेत. अनेक नेटकऱ्यांनी व्हिडीओवर मजेदार प्रतिक्रिया दिल्या आहेत. एका वापरकर्त्याने 'काय झालं पतली कमरीया तुटली का?' अशी कमेंट केली आहे. तर आणखी एका व्यक्तीने ''निष्काळजीपणाचं फळ भेटलं' अशी कमेंट केली आहे.
