कोची येथील सात वर्षांच्या नोएल अलेक्झांडरने १२० बहुराष्ट्रीय कंपन्यांचे अधिकृत लोगो पाहून केवळ तीन मिनिटे आणि ४० सेकंदात त्यांच्या मूळ देशांबद्दल सांगत इंडिया बुक ऑफ रेकॉर्डमध्ये प्रवेश केला आहे. याच कामगिरीसाठी त्याच्याकडे एशिया बुक ऑफ रेकॉर्डचे विजेतेपदही आहे. इयत्ता पहिलीचा हा विद्यार्थी देखील या कंपन्यांच्या शेअर्स आणि बाजार मूल्यांवर लक्ष ठेवण्यास उत्सुक आहे. अर्थव्यवस्थेचीही आहे माहिती स्टॉक एक्स्चेंज आणि म्युच्युअल फंड समजून घेणारा नोएल कदाचित अविश्वसनीय वाटेल. पण या विषयांमध्ये त्याने नेहमीच विशेष रस दाखवला आहे. नोएलचे वडील सिबू अलेक्झांडर म्हणाले, “जेव्हा मी माझ्या क्लायंटशी चर्चा करतो तेव्हा त्याला व्यावसायिक शब्दावली येतात. तो त्यांना बहुराष्ट्रीय कंपन्यांची नावे घेत त्यांच्याबद्दल अधिक तपशील विचारतो. जेव्हा तो सहा वर्षांचा होता तेव्हा आमच्या लक्षात आले की त्याच्यात विशेष प्रतिभा आहे” सिबू आणि शीना, नोएलचे पालक, विविध कंपन्या आणि प्रसिद्ध व्यक्तिमत्त्वांबद्दल आणि त्यांचा समाज आणि अर्थव्यवस्थेवर कसा प्रभाव पडतो याबद्दल त्याला शिकण्यासाठी मदत करतात. (हे ही वाचा: Viral: तामिळनाडूमध्ये पावसात दोन सापांचा डान्स; झोहोच्या सीईओने शेअर केला व्हिडीओ ) “आम्ही त्याला प्रोत्साहन देतो आणि त्याला विविध अभ्यासेतर क्रियाकलापांमध्ये मदत करतो. त्याचाच एक भाग म्हणून, आम्ही इंडिया बुक ऑफ रेकॉर्ड्समध्ये स्थान मिळविण्यासाठी अर्ज करण्याचा विचार केला आणि त्याला ते मिळाले याचा आनंद आहे,” शीना म्हणाल्या. नोएलला ट्रेडिंग आणि स्टॉक मार्केट बद्दल शिकण्यात स्वारस्य आहे. ( हे ही वाचा: Viral : ई-रिक्षा चालकाची अनोखी ऑफर, १५ प्रश्नांची उत्तरे दिल्यानंतर मिळणार मोफत प्रवास! ) “त्याच्या शंकांमुळे, आम्ही खात्री करतो की आम्ही योग्य संशोधन करूनच उत्तर देऊ. अशी काही उदाहरणे आहेत जिथे तो मला स्टॉप-लॉसची आठवण करून देतो (एखादी मालमत्ता विशिष्ट किंमतीच्या टप्प्यावर पोहोचल्यावर ती विकण्यासाठी आगाऊ ऑर्डर),” सिबू यांनी सांगितले. ( हे ही वाचा: Viral Video: माशांना तोंडाने खाऊ घालत होता; आणि… ) नोएलला क्रिप्टो चलन आणि व्यापार, म्युच्युअल फंड आणि स्टॉक एक्स्चेंजबद्दल देखील माहिती आहे. आता, निफ्टी आणि सेन्सेक्सबद्दल अधिक जाणून घेण्यावर त्यांचा भर आहे. या मोठ्या गोष्टी शिकण्याव्यतिरिक्त, त्याला गाणे आणि क्रिकेट पाहण्याची आवड आहे, जो त्याचा आवडता खेळ आहे.
