scorecardresearch

Video: भारतीयांसारखा देशी जुगाड करायला गेली अन् विदेशी महिला तोंडावर पडली; नेटकरी म्हणाले “फक्त भारतातील…”

सोशल मीडियावर एका घटनेचा व्हिडीओ व्हायरल होत आहे. जो पाहून नेटकरी हेच म्हणत आहेत की, “आपला जुगाड आपणच वापरु शकतो”

foreign women slipped in rain
आपल्या देशात विविध देशी जुगाड करणाऱ्यांची संख्या कमी नाही. (Photo : Instagram)

आपल्या देशात विविध देशी जुगाड करणाऱ्यांची संख्या कमी नाही. मात्र, हे जुगाड फक्त आपल्याच लोकांना वापरता येतं आणि तेच त्याचा लाभ घेऊ शकतात. इतर देशातील लोकांना आपल्या या जुगाडाचा वापरही करता येत नाही. हो कारण सध्या सोशल मीडियावर अशाच एका घटनेचा व्हिडीओ व्हायरल होत आहे. जो पाहून नेटकरी हेच म्हणत आहेत की, “आपला जुगाड आपणच वापरु शकतो, परदेशी व्यक्तींना तो वापरणं जमणार नाही.” तर नेटकरी असं का म्हणत आहेत? ते तुम्हाला व्हिडीओ पाहिल्यानंतरच लक्षात येईल.

आपल्या देशातील जुगाडू लोक हे एखाद्या साधनाची जर कमतरता भासत असेल तर त्यासाठी पर्याय शोधतात आणि त्यातून काहीतरी नवीन शोध लागतो. असे अनेक भारतीय लोक अवघड काम सहज पूर्ण करण्यासाठी नवनवीन गोष्टींचा शोध लावतात किंवा एखादी गोष्ट ऐनवेळी उपलब्ध होऊ शकणार नसेल तर त्यासाठी ते पर्यायी मार्ग शोधतात.

हेही पाहा- Video : मै झुकेगा नही! नागपूरच्या मैदानात डेव्हिड वॉर्नरला चढला ‘पुष्पा’ फिव्हर, व्हिडीओ होतोय व्हायरल

या व्हिडिओत असाच प्रसंग उद्भवला आहे. पावसाळ्यात लोक सहसा रेनकोट आणि छत्री वापरतात. मात्र, अचानक पाऊस आला आणि आपल्याजवळ छत्री नसेल तर अनेक भारतीय लोक प्लास्टिकचा कागद किंवा इतर कोणत्याही वस्तूने स्वतःचं पावसापासून संरक्षण करतात. नुकत्याच व्हायरल होत असलेल्या एका व्हिडिओमध्ये आपल्याला असेच काही दृश्य पाहायला मिळत आहे.

पावसात भिजू नये म्हणून जुगाड केला अन्…

हेही पाहा- Viral Video : पाकिस्तानी तरुणीला पाहताच प्रेक्षकांच्या नजरा खिळल्या, ‘लैला मै लैला’ गाण्यावर अशी काही थिरकली…

व्हायरल होत असलेला व्हिडिओ ‘लैड बाइबल’ नावाच्या इंस्टाग्राम अकाऊंटवरुन शेअर करण्यात आला आहे. या व्हिडिओमध्ये एक विदेशी महिला शॉपिंग कॉम्प्लेक्समधून बाहेर पडताना दिसत आहे. यावेळी पाऊस पडायला सुरुवात होते. त्यामुळे ही महिला भिजू नये म्हणून जुगाड करते. ती तिच्या डोक्यावर प्लास्टिकचा टब ठेवते आणि स्वतःला भिजण्यापासून वाचवण्याचा प्रयत्न करते.

सध्या महिलेचा व्हिडीओ सोशल मीडियावर मोठ्या प्रमाणात व्हायरल होत आहे. शिवाय अनेकजण त्यावर वेगवेगळ्या प्रतिक्रिया देत आहेत. एका यूजरने लिहिले की, “जुगाड तंत्राचा वापर फक्त भारतातील लोक करू शकतात.” तर या महिलेने हा टब पुर्णपणे तोंडावर धरल्यामुळे तिला समोरचं दिसलं नसल्याचंही नेटकरी म्हणत आहेत.

मराठीतील सर्व ट्रेंडिंग ( Trending ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 12-02-2023 at 15:10 IST