Viral Video : सोशल मीडिया हा प्रत्येकाच्या आयुष्यातील एक महत्त्वाचा घटक बनला आहे. सकाळ संध्याकाळ रात्री अनेक जण सोशल मीडियावर रील्स, व्हिडीओ बघत असतात. कधी नवीन गाण्यावर तर कधी नवीन डायलॉगवर रील्स बनवतात. या रीलच्या नादात अनेकदा स्वत:चा जीव धोक्यात घालतात. लाइक्स कमेंट्ससाठी वाट्टेल ते स्टंट करतात.
सध्या असाच एक व्हिडीओ व्हायरल होत आहे. या व्हिडीओमध्ये तुम्हाला दिसेल की रीलच्या नादात एक तरुणी चक्क नदीत पडली, नेमके काय प्रकरण आहे, हे तुम्हाला या व्हिडीओत पाहावे लागेल. सध्या हा व्हिडीओ चांगलाच व्हायरल होत आहे. (a young girl climbed on barricades to shoot a reel and suddenly falling in river video goes viral)
या व्हायरल व्हिडीओमध्ये तुम्हाला दिसेल की एका नदीकाठी बॅरीगेट्स लावले आहेत. एक तरुणी चक्क या बॅरीगेटवर उभी असलेली दिसत आहे. ती बॅरिकेट्सवर उभी राहून रील बनवण्याचा प्रयत्न करत होती. बॅरीगेट्सवर तोल सांभाळण्यासाठी या तरुणीने दुपट्ट्याची एक बाजू पकडली होती आणि दुसरी बाजू नदीकाठी उभा असलेल्या एका तरुणाने पकडली होती. पण या तरुणाचा तोल जातो आणि तरुणीच्या हातातून दुपट्टा निसटतो आणि ती चक्क नदीत पडते. तिला नदीत पडलेले पाहून त्या तरुणासह सर्वांना धक्का बसतो आणि येथेच हा व्हिडीओ संपतो. हा व्हिडीओ पाहून कोणाच्याही अंगावर काटा येईल. सध्या हा व्हिडीओ तुफान व्हायरल होत आहे.
हेही वाचा : थार चालकाचे भररस्त्यात धक्कादायक कृत्य, कारच्या छतावर टाकली माती अन्…Video व्हायरल होताच पोलिसांची कारवाई
पाहा व्हायरल व्हिडीओ (Watch Viral Video)
sahil__riski_308 या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओवर अनेक युजर्सनी प्रतिक्रिया दिल्या आहेत. एका युजरने लिहिलेय, “जीव जाईल पण व्हिडीओ करणे थांबवणार नाही” तर एका युजरने लिहिलेय, “रीलच्या नादात जीव गमावणार का?” आणखी एका युजरने लिहिलेय, “लोक काहीही करतात, रील बनवण्यासाठी हरिद्वार सारख्या जागा सुद्धा सोडत नाही.” अनेक युजर्सनी या व्हिडीओवर संताप व्यक्त केला आहे.
